{珍珠雞;糯米雞,荷葉飯} -我想知道佢地之間既分別:]

糯米雞，係用荷葉包著糯米、冬菇、肉醬，最重要係有一件雞，所以叫糯米雞。
由於糯米雞份量唔輕，很飽肚亦滯胃及難消化，所以就出了珍珠雞，
即糯米雞的 mini 版。
荷葉飯就名乎其實的用荷葉包著炒香的飯，再蒸一會，讓荷葉香味滲入飯內便成。

珍珠雞是糯米雞的迷你版, size好唔同, 一隻珍珠雞得1/3 或1/4隻糯米雞咁大...
而珍珠雞和糯米雞, 是用糯米做, 用乾荷葉包... 而荷葉飯裏面是平時食的米飯, 而且多數用新鮮荷葉包... 塊葉青綠D

1)荷葉飯 : 用荷葉包食材蒸熟以成;
用料多是肉, 蝦, 冬菇, 米,,,,,,,,,,,等;
數人份量, 多用玻璃盆盛上, 多是飯市提供。
2)糯米雞 : 主要用糯米加食材蒸熟以成;
現時用料多為糯米, 雞肉, 蝦米, 冬菇......等;
很久之前多為糯米及酒樓餘料包製, 方便平民食用, 大件飽肚價錢平;
1-2人分量, 一件一碟, 茶市提供。
3)珍珠雞 : 糯米雞精細版, 用糯米夾碎肉, 冬菇粒, 蛋黃粒以成;
多是三件一籠, 茶市提供。

如果單從外形, 可由它們的大小分別. 荷葉飯最大, 有一隻飯碟的大小. 糯米雞有一隻茶杯碟的大小, 而珍珠雞最小, 祇有不足半隻茶碟的大小.