有冇得睇狗女絕左育未

想知狗女有冇做絕育手術, 其實好容易, 你睇吓佢啲 lin lin 大唔大粒同凸唔凸, 如果又大又凸, 就即係未做絕育手術啦! 相反的話, 就即係做咗.

如果佢生蚤, 滴蚤水作用唔係太大. 你有冇試過幫佢捉蚤呀? 啲蚤好細隻(大約1/3 - 1/2粒芝蔴咁大), 黑色0既, 會喺佢個身跳嚟跳去, 如果你搵唔到蚤, 佢就唔係有蚤, 而係皮膚敏感或皮膚病啦! 不過就算佢冇蚤, 你都應該買Frontline幫佢滴, 每個月滴一次, 三支裝大約賣$150-180左右. 而皮膚敏感或皮膚病會令佢好痕, 成日搲痕, 好易搲損, 如果佢係皮膚敏感, 可能係天生(有啲狗天生容易皮膚敏感, 如八哥)或飲食有關, 你應該俾啲天然糧佢食(如Yarrah, Canidae, Timberwolf, Solid Gold等等), 同埋唔好俾佢食太油膩的食物. 你亦可以試吓用海鹽開水幫佢浸吓個身, 佢會舒服啲架. 但如果佢已經搲到自己損晒的話, 就要去睇醫生啦.

狗係好有靈性的動物, 假如佢真係俾前主人遺棄, 梗係會傷心啦. 不過只要你對佢好, 多啲同佢玩, 陪佢, 呵佢, 俾佢知道你係好錫佢的話, 佢就慢慢會復原架啦.

你啱啱領養佢返嚟, 我建議你最好帶佢去獸醫度做個簡單0既body check, 咁樣安心啲嘛. 你咁有愛心收養佢, 唔好慳嗰少少錢啦.

最後, 祝你同狗狗生活愉快.

你唔駛咁唔開心，唔駛咁擔心先，假如你比人遺棄都會唔開心，所以99有唔開心都正常。你比多D時間陪99，同99玩多D，建立1個互信既關係先，咁99就會好D。
通常狗女左絕育，個肚都會有條打直既巴痕。另外，無絕育既99每半年都會發情，如果99無，就應該係絕左育。再唔放心，可以帶去vet度問下。
有無蝨好難答到你，你有無見到1隻隻黑色好似芝麻咁既物體，跳跳下？其實最重要係保持家居清潔，定期幫99做防蝨，咁就唔怕啦！
99不停lam同1個位置，係佢個撻皮膚本身唔舒服，可以多D清潔99，定期幫99涼，但係如果lam到皮膚病，咁就麻煩主人帶99去睇獸醫，唔好亂比野99搽。

有冇方法可以睇得到隻狗狗(女)有冇做到絕育手術?

咁我又唔知牙..因為我養果隻係松鼠狗(男) !!! 女我就唔知啦

你想知你隻狗有冇''失"
如果你隻狗D毛係 (白色)咁你就可能睇到
你慢慢咁整開佢D毛..會見到佢皮膚
你睇下佢毛上面有冇D黑色一點點..
果D好大可能係''失''/''失''屎
你可能用D [[[[ ''失'' SOR ]]] 幫佢SOR ''失''
再幫佢沖個涼..

仲係唔得..
帶你隻狗去睇獸醫吧!!