✔ 最佳答案
我自己都係咁..我今年20歲，同爸爸同埋後母住(仲有後母同爸爸生既兩個囡囡)
自從爸媽離婚後，我既成績一年比一年差，唔想留在家中，經常想出外。
記得16歲果年有一晚屋企人食飯果時，我喺細妹妹(果時妹妹得5歲)口中得知後母叫佢地唔好同我玩(當然唔係講玩果d玩啦，係講緊要佢地對我不理不彩，即是杯葛)我聽到之後就問後母點解要咁，佢就同我講佢冇咁做過，(但係講真佢唔係好人一名，見人老婆大肚就去搶人老公既果d女人) 跟住我只係輕輕推左佢一下，佢當然冇事啦，佢高我好多and大隻過我，佢亦冇跌低，但係佢打左我一巴連眼鏡都飛埋出黎，我當時喊得好大聲，我爸爸出到黎客廳，果女人二話不說就同爸爸講我打她...我當然真係唔知應該講乜野好，因為爸爸諗都冇諗就信曬佢，仲推我落sofa一腳踩落我個肚度(佢冇用全力但係我都好痛好痛)，爸爸一向係脾氣好火爆既人(ps佢係police)，佢踩完我之後我想即刻開屋企大門走，點知佢扯住我把長頭髮打左我一巴，我就同佢講左一句「你再打我我就報警」佢竟然同我講「我就係差人你報乜野警?!?!!?呢度係我屋企!!呢度個個都係我既人!!!!我殺左你都唔會有人知 !!!!!!」我當然知道佢冇可能會真係一句說話而殺左我啦，但係請你地想想當時既情境，屋企入面有其他5個人在場(後母、爸爸、工人、後母既兩個女兒(當時5歲同7歲)) 就算個個都知道邊個岩邊個錯又點啦，都唔會有人幫我，我住果度係私人樓，家家戶戶都close door 的，就算我出到走廊喊，都唔會有人家人係會開門關心一下發生咩事，
呢件只不過係我20年來發生既其中一件體罰既事，7歲那年小學二年級我英文唔合格，爸爸知道後食食下飯入廚房倒左一盆冰水落我度，跟住再用皮帶打我，關我入房唔比我食飯唔比我出黎，我知道成績唔好係我唔岩，但係我果時得7歲我可以點呢??
自6歲時爸媽分開了我都一直因為爸爸既脾氣而打我，如果佢果日心情唔好/工作不順利，只要我有少少做錯佢都會打我，你地可以認為佢係為我好，但係我e+呢兩個妹妹就算點naughty都好，佢最多都係試過打手板，就算兩個妹妹e+ 一個9歲一個11歲都未試過比人真係打果隻打，我對呢一個屋企灰曬心了，即使爸爸呢兩三年對我真係好左，關心我多左我都唔會記入腦了，因為以前既事真係太深刻了，一輩子也不會忘記，若果我將來有小朋友我都絕對唔會用打黎教導佢地，因為我知道打只會令到小朋友同父母之間有隔膜，我係過來人.....清楚得了.......就算幾naughty都好都唔可以打，小朋友都係人，係一個獨立個體，小朋友都有思想有記憶，今時今日對佢所做既野，佢將來會記住，有d事真係可以記足一世
2007-08-05 05:56:19 補充：
我仲記得7歲果年用皮帶打我之後，佢為左想我記得我做錯既野，我果時喊住，對腳有皮帶打過既紅色痕跡，佢要我喊住拎住果張唔合格既分數紙影左張相，係佢迫我影，唔影佢會打我，仲要影我d好痛好痛好痛既紅痕，佢事後理直氣壯地覺得自己做得好perfect，雖然果時我只有七歲，只有小學2年級，但係我比佢打完影完相之後我番到入房果一刻望落街真係有d想跳落去，果時細個唔知死左會點，只知道跳左落去會好痛好痛，但係我怕死所以我冇咁做到，媽媽改嫁了，我當時還可以去那裡??
2007-08-05 05:56:28 補充：
咁多年來要做一個完美的人真係好辛苦，只要做到完美佢至唔會有籍口打我，但係我自問我真係做唔到完美，同爸爸住左咁多年，雖然真係衣食無憂物質上佢好比到我，但係真係過住一d擔驚受怕既生活，所以我都認我e 20歲，我性格係差，我好勝鐘意贏輸唔起、冇自信怕人地睇我唔起、小氣容易發嬲、脾氣大、極度膽小咩事都怕，可能係我做得唔夠好，但係唔多唔少都係佢地做成，我都唔知可以點講....總之就........唉..........我諗明白事理既你地應該會明白我講乜野.....
2007-08-05 06:16:04 補充：
講講下又記得番又一件體罰事，佢對我做既野真係講都講唔完，12歲果年我岩岩升左中一，但係我果年成績唔好，老師勸我試升(即係可以升中二，但係暑假要接受學校既補習)，我番到屋企同爸爸講，佢就話試升呢兩個字好難聽，好似人地施捨咁，跟住佢真係好嬲好嬲好嬲，嬲到係難以用文字黎形容，佢覺得咁既試升會令到佢好冇面子，佢當時用盡力咬左我左手既手臂一下，係小朋友打"卡介苗"果個位，係真係咬到我d皮膚即時變左紫黑色，我20年來最痛最痛就係果次，我係痛到出唔到聲，我當時即刻入房打比媽媽，
2007-08-05 06:16:23 補充：
同媽媽講呢件事，跟住我果晚凌晨即刻去左媽媽屋企，果時我都唔想ma煩到媽媽，因為佢同第二個人結左婚仲有埋個囡囡，當時佢個囡囡都只係手抱咁大，佢果晚即刻帶我去警處備案，去到報案室我比差人睇我隻手個傷口，跟本就冇可能係自己做成，(你地大家可以試下，睇下你地個口有冇可能咬到膊頭對下一寸位置)仲要係咬到紫黑色，當晚有經驗既差人一睇就知道係比人咬而唔係我自己做成，但係電話入面我爸爸同我媽媽講係我自己咬自己，一個咁假既答案佢都講得出，
2007-08-05 06:16:54 補充：
佢次次打完我都唔會認，因為佢要面，佢次次都會係話係我自己做成傷痕跟住走黎屈佢，有一次我grandmother也在場，但gdmother 訓緊覺，佢打我我反抗咬左佢帶錶既位置一下，因為佢做差人本身好高大，佢真係好大力好大力，捉住我我跟本冇力反抗，唯有咬左佢手錶位置一下，跟住gdmother 見咁嘈出黎睇下發生咩事，我爸爸即刻舉起隻手同gdmother講「拿拿拿你睇到啦你睇到啦，佢咬我丫!!!你地見到啦，個囡打老豆丫」我當時真係唔知講乜野好，我gdmother唔係唔幫我，
2007-08-05 06:17:01 補充：
係因為gdmum年紀大睇野真係睇唔清楚，佢真係信係我打爸爸，我得5尺3，我爸爸6尺高，你地認為當時一個12歲既女仔可以打贏一個6尺既差人嗎??佢既大話真係好可笑，果晚之後我個肚瘀左一達大約有一個bb仔既拳頭咁大，我對住呢個爸爸真係唔知可以講d咩....可能係我前世做壞事做得多...今世個天要我受番....
