佢係唔係當我朋友?

我覺得既然係識左好耐的朋友，就應該珍惜....其實你地可以嗌完又好返...咁證明你地ge友誼真係好深啦~~~我自己覺得...會同你反面而又好返的，除左家人...就係你所講這種識左好耐的朋友。坦白講...普通朋友好易識..但知心的有幾個呢??
所以，我覺得你如果無左佢..你一定會覺得好唔自然同失落，有時嗌咬講ge都係激氣說話，人人都會生氣，你的朋友可能無諗到"說者無意，聽者有心"...所以講左d hurt你 ge說話，不過坦白講，有邊個人會係嗌咬個時為人著想???一定係會以自己心倩為準~~
一過，你打咁多野來問人...證明你真係好唔開心同迷茫，但你都要諗清楚...如果這個朋友係成日同你嗌咬或誤會你....究竟佢係咪真係咁明白你呢??定係只係你單方面明白佢呢??其實無論朋友，情人，家人都會有嗌咬的時候....能唔能夠互相原諒先係最重要....既然選擇做返朋友，就唔好再計較...你都講話""我都唔想失去佢,我到而家仍當係最好朋友,佢有時真係好好架,又好關心同緊張我""既然咁樣諗...就唔好再諗咁多啦!!

你無講你年紀, 但通常會講得出咁的說話, 我相信你們年紀都不會很大, 可能還是求學階段吧? 因為如果年紀大點的人根本唔會講呢d說話, 唔想見呢個人, 唔想同佢做朋友, 以後唔揾對方就是了.

你想知對方點諗? 不如我從佢的角度同你分析下

我以前有個朋友, 從幼稚園開始到中學都已經係同學, 又係住係附近, 所以好多時都一齊玩, 但佢成日會做一d事令我好唔開心, 尤其是成日呃我, 某日開始我忍唔住就講了你朋友講的說話, 即係''我不會再當你是我的朋友", 而且唔止一次, 我甚至寫過絕交信俾佢, 講真, 講得出嗰句說話, 仲要唔係一次, 個心係真的已經對對方好心淡, 甚至心灰, 即使佢再揾我, 我都當應酬, 而後來佢有好長一後時候無再揾我, 我亦一D都唔可惜

你話佢講呢句說話hurt了你, 我反而覺得應該係你之前做了些事hurt了他, 而且唔止一次 (好似我頭先講嗰個朋友咁) 先會令佢咁講?, 好地地唔會講話咁絕, 不過亦證明佢之前真係當你好朋友, 唔係佢都唔會咁嬲, 唔會講話咁絕, 好似我未嬲我個朋友之前, 我都好鐘意同佢一齊, 但係佢hurt我, 令我好難受, 先至唔想再同佢friend, 覺得好難原諒佢.

你仲想同佢做朋友就不如諗下點樣改變下你自己, 令佢接受返你啦....

2007-07-31 15:33:18 補充：
我想強調, 佢一定唔會只係為了一件事嬲, 可能之前已經有好多次你已經hurt了他, 不過你唔為意, 今次的事只係導火線