聖名+有關lucifer

你既諗法幾有趣. 有創意, 我鍾意, 不過神父可能唔贊成....
如果你認為Lucifer比人誤會/唱衰佢係魔鬼, 願意為佢平反, 而你想取Lucifer既字面意思: light bearer光的使者, 引伸為晨星morning star, 咁無可厚非. 同我地成日話要做地上的鹽, 世界的光亦好夾, 係個好名黎既.
但係你話, 因為天主叫佢做既野, 佢唔肯, 就搞叛變. 姑勿論呀Lucifer個名本來係咩意思, 你都係因為呢個意思[夠型格]而揀呢個名, right? 咁你點解要信天主先??? 信佢而唔聽佢講既野做, 咪好假囉, 不如唔信!
聖名係你個名黎架. 中國人有姓有名, 係父母比你既. 讀書之後會取個字, 安個號, 係自己改既, 用來體現自己既德行, 以言托其志. 領洗入教時, 改個聖名既作用都係比個機會你幫自己安一個外號, 一個模範比自己參考, 一個目標比自己努力.
Lucifer 一來冇咩人用, 二來搞叛變, 好型格, 所以得到你注意. 但係同你將來要成為一個點樣既人[以言托志嘛] 有好大關係. 大部分人都認為佢係[大反派] , 以前係風光一時, 但最後都沒有浪子回頭, 咁就一世, 莫非你都想係咁, 連媽媽, 老師怪錯左你, 你都唔要平反, 係大部分人面前, 一世做反派?
拿, 我覺得如果你用light bearer解釋法同神父講, 佢都有可能接受呢個名既. 但用你個講法就實唔得. 最最最重要既係你要問自己, 你到底信來做咩? 以你而家既心態, 係唔係一個好時機去領洗?使唔使遲d先決定? 係唔係被迫? 要反抗既而家好出聲啦, 唔使等日後叛變架!

請問你想效法魔鬼的甚麼？

2007-07-31 19:58:23 補充：
領洗前你是要承諾棄絕魔鬼的...