yoki生:你為何捨棄浩倫?

不是因為浩倫（１０７３）出現任何問題！

也不是某網友說此股是前景暗淡！

理由是在之前的升市看出，浩倫（１０７３）是要比較後的升市才會發力，因此，由於大跌市，又要從新洗過牌！

現時應該要趁跌市買一線股，即是帶領大市上升的股票，亦即是我之前說的馬膽股！

今日就是入了中國平安（２３１８）！我的組合除左隻招商中國基金（１３３）是有資格造馬膽外，其他都是最多做核心！

為什麼我不買多些馬膽股？

你看隻隻有資格做馬膽股的都貴到七彩，要買這些股票，真係要等到大跌市先至有機會！

通常大跌市，都是先跌大市股先的，因為２，３線股好多時都有莊家睇場，因此在短線上，２，３線股是有一段初步的抗跌力，因有莊頂住！

但如果個市係大跌，個莊通常都同你頂２，３日，但如果個市真係唔掂，個莊頂唔順，這些２，３線股就會突然暴瀉！

因此，浩倫（１０７３）在大跌市是跌得極少，其他例子包括萬裕國際（８９４），卓健亞洲（５９３）之輩，都是在大跌市中異常堅挺！

如果個市真係好差，個莊一唔頂，以上的股票就水銀瀉地！相反，如果個市係上，一定上左啲一線股先！

因此換馬！

買股是要順次序的，炒股永遠都是１，２，３，４，５．．．線一線一線炒落去，當４，５線發完力時，又會轉番炒１線！

之前的升市已經示範左一次畀你睇啦！

最近推介番炒中國稀土（７６９），北京發展（１５４）．．．２線股的原因是１線股要回氣麻，而家１線跌番落黎，緊係先追１線先啦，再按次序１，２，３，４，５炒落去！

浩倫是３線股，２線都未郁，緊係要用佢換其他１線先啦，唔係邊有咁多錢買，當１線炒完，２線炒完，我會自然買番佢，這就是毛主席的發揮紅軍的運動戰的戰術！

就是這麼簡單！

我唔會睇錯浩倫（１０７３）的前景，但個勢唔就佢，無謂包咬頸同自己荷包鬥氣！有網友話佢前景暗淡，間公司由上次公佈上半年業績大幅增長之後，根本在任何途徑都不可以找到該公司的新聞，公司的網站，仍然是教農民點樣種菜，點樣用佢地啲農葯等，並無異樣，又何來可以說前景暗淡？

唔通佢知道一些內幕消息，全世界都冇人知？

大家用吓個腦自己分析吧，如果真是那麼差，不單止是慢慢跌，已經是急跌了！

股票同人都是一樣，係要講際遇的，唔係叻仔而家就一定有錢，或者人地際遇唔好呢，但長線你就知佢嘅後勁啦！股票都有際遇的，不是好股就一定升，但長線來說，好股的價值最後都會反映在股價上！

只有些一無事處，才抵受不到時間的洗禮！好股定當真金不怕紅爐火吧！

另外，今日明知羅欣（８０５８）要去馬，唔退佢，退邊隻？在未買羅欣（８０５８）之前，我已考慮了很久，才作出以上決定！

買股，不但要看抵唔抵，值唔值，時機因素，當時的市場氣氛，當時的人的心理狀態，莊家持股狀況，基本因素，圖表，技術分析，供與求，機會成本，入貨次序，同埋發力時序等，種之係好多野，唔係一朝一夕可以講完的！係有好多好多因素先至決定入邊一隻的，唔係亂來的！


YOKI WONG
圖片參考：http://hk.yimg.com/i/icon/16/1.gif