脊椎側彎中醫定西醫好D?[40分]"請係自己答"

我自己都係s 型ga, 60 度, 醫生一路都叫我做手術, 但係因為我覺得後遺症太大所以冇做到
1)其實痛會係一個問題, 因為你只能食止痛蘗, 唔可以做運動果d 去伸展番d muscle, (因為果度d 骨都唔move 得. 第2 就係唔彎得腰, 同埋成世有d 螺絲鐵片係入面. 如果有咩劇烈ge碰撞其實都幾危險, 唔彎得腰都好唔方便. 佢係會幫你整番直一半, 即係你而家40度變番20度, 但係佢地d 醫生自己同我講話整完都有機會差少少...咁我好質疑點解會咁, 你d 螺絲一d 唔實淨的嗎? 我覺得好危險law...如果唔做佢就驚會影響到心肺wo, 但係又係佢地自己講成90度-100 度先會....咁做咩40度就叫人做手術?! 佢地做咁多手術會唔會其中一個原因係佢地要計case?
2&3) 我而家就睇緊脊骨神經科, 佢地係係外國讀醫科有牌的, 較有保障. 我之前都有睇過好多中醫, 推拿, 針灸.....用o左over 十萬蚊都冇咩用....但係呢個醫生就真係幾好, 佢唔係話會醫得好我, 但係佢話幫我keep 住而家咁樣就ok, 因為佢話我咁樣唔惡化其實呢世都唔會有問題, 只係怕佢惡化je...你而家唔影響心肺, 你條腰唔變又點會無啦啦影響到呢, 係咪?
4) 西醫淨係叫你做手1術, 唔會有其他野幫你, 做完等個傷口好o左咪叫你返屋企, 有咩事都唔關佢事ga na...以上都講過晒d 優點同缺點. 中醫就要揀, 其實我都有聽過有d 人係會睇o左好d ge, 又唔駛做手術...不過都要小心有好多人係係度騙財的, 小心, 唔對路就唔好再睇..
有興趣睇脊醫可以上網search 脊骨神經科醫生, 有好多的~如果想知多d 都可以e-mail 我~^^佢地有儀器幫你放鬆d 肌肉, 等你彎o左果邊d 肉唔好拉住, 教你做運動, 幫你睇埋腳 (其實多數s 形ge人對腳都有問題),又會教你點樣食野同d 營養ge問題...我自己都係大學讀呢方面ge野, 覺得佢地真係好專業~不過價錢係會比較貴, 可你果個差唔多, 初初可能要睇多d, 一星期一至兩次, 之後可以少d, 我而家2星期至一個月一次ja~都keep 住冇咩惡化~又唔痛~
5) 其實呢個係醫學研究都仲未解釋到ge野, 可能係同女仔會o黎m有關, 有或者係基因ge問題, 但係我細佬係男仔都有啦, 不過好似廿幾度, 冇我咁嚴重law~
希望幫到你啦, 果時我都試過, 曾經好down, 好煩~ support~^^

小女子也是s型脊椎側彎, 自中學學始發現有問題，去睇過私家脊醫，威爾斯醫院睇，照X光話有35度，西醫話不能改善（即不能直番)，當時我的情況不用做手術．但若惡化便要做手術．以我所知，做手術是用釘固定脊椎，使脊椎彎曲的情況不再惡化，但不会改善現有狀況．　

西醫教我做一些强化背肌的運動, 那些運動其實跟瑜珈差不多, 另叫我多游水以强化背肌, 我一一都有照做, 但情況也是一樣. 由於西醫當時話不能改善，我一直沒有醫治．但日子天天過，我大約25歲時，覺得情況好像惡化了，盤骨歪斜，S型彎，胸椎不平均的情況跟之前比差了很多．　

同一時間，當時才聽到其他人講中醫可以醫好，一心諗住橫豎都係彎，不如試一試，當時我找到一位中醫, 開始醫, 頭幾次睇醫生幫我鬆大脾及盤骨基肉, 好痛, 另又"樓"條腰骨致"拍拍聲", 他說是幫我復位. 睇完後覺得舒服左, 而且好似有d似直番. 但當然不是一下子直番洒. 最初日日睇, 跟住一星期三次, 兩次, 之後一星期一次.

以我當時25歲的年齡，已發育完全，其實想好番對我來說是一個願望，但我相信變差也有機會變番好, 所以一直堅持看下去. 而且同時間也做强化背肌的運動: 自己覺得最重要的運動是"釣"單桿, 兩隻手捉住一支管, 身體離地, 用地心吸力拉番直條腰. 實行雙管齊下.

睇中醫時常常都有問醫生幾時好番, 平時要注意什麼, 他又叫我要堅持吊單桿, 平時帶腰封(脊椎側彎專用的), 用來支撐及固定腰骨, 另外跑跑跳跳的運動(打羽毛球, 跳繩等)不可做, 因会"登"番彎條腰骨. 另最重要是平時的姿勢, 一定要挺直, 不能側背, 寒背. 食物方面不能吃旬, 大閘蟹等

一直醫到半年, 覺得好番6成, 真的很開心! 睇在1年左右, 已好番8成, 對我來說已算好番, 但擔心一唔睇会回覆原狀, 所以繼續睇, 當keep fit, 睇多大概半年便停止唔睇. 現在也沒有回覆原狀.

其實當時用了很多$, 但為了健康, 覺得十分值得. 另也有些朋友發現我高左, (應該是因為之前盤骨前傾的情況改善了). 現在也有做運動及間中吊單桿, 因想keep住及唔想浪費金錢.

=====================================

若你的情況許可, 見議看中醫, 因中醫不用做手術, 但效果可能比較慢. 至於西醫, 正如上述講, 西醫可以即時停止惡化, 但以你發育年齡來說, 壞處是上半身有機會不能長高, 因在脊椎打了釘. 下年身長高則沒有問題.

=====================================

通常女仔多d情況, 好似沒有特別明確的原因, 但可能因為拿重書包, 平時的姿勢, 小做運動等問題所致. 但現在太多小朋友打機, 又唔做運動, 姿勢不正確等, 不論男女, 越來越多人有此問題.

=====================================

不要放棄, 努力堅持, 比心機呀! 祝你早日康復~

評唔到正面sorry

Hello!我個女04年做個這手術,當時小女都有40度.
1)我建議應該去做,手術後頭數天會痛和之後彎不到腰,其他一齊正常,
2)中醫,跌打,脊醫,物理冶療,我帶個女試過,用了萬多元,完全無改善,無幫助,無必要再睇
3)威爾斯醫院班醫生和護士很專業和細心,至於中醫,跌打,脊醫,物理冶療收費又貴,又無改善
4)西醫好處手術後即時見效,不過,壞處手術後有數天會痛及彎不到腰
中醫好處就是不用做手術,壞處效果不佳,對病無改善,無幫助,因小女睇這些醫生已有半年,錢用了,病情無改善,反而差了些
5).我問過專科醫生,本港有70%係女性,30%係男性,最細數個月大的BB,暫時西醫列為原因 不明,有可能係遺傳OR先天性.
最後,提一提你,我個女係醫院時係對面床的病友,因初期怕做手術,由兩個彎變三個彎,原本可以由膊頭位脊骨開刀,變了由頸的位置開刀,當時她做完手術可以落地時,她不可以轉側頭,而是由腰到頸打側才可側望,威爾斯醫院班醫生和護士有很多年經驗,妳可以放心.