如果你在九龍區買二百五十萬至三百萬的樓,大概六百幾呎,你會買邊?

我係地產agent,希望答到你問題啦.

講真,呢個銀碼選擇真係唔算少,要睇你個人喜歡邊區,仲有係要新樓定係舊樓,以下為部分選擇:

東九龍區---彩虹至藍田有清水灣道8號( 新樓 ),德福花園,匯景花園及麗港城等等,兩房單位普遍都係600幾呎,入場費由二百零萬至三百五十萬左右.

中九龍區---土瓜灣至紅墈有農圃道18號( 新樓 ),傲雲峰,翔龍灣( 剛入伙 ),黃埔花園等等,兩房由翔龍灣及黃埔的500幾呎起,至農圃道18號600幾呎,普遍三百萬左右有找,黃埔會平D.

西九龍區---油麻地至大角咀有君匯港( 剛入伙 ),港灣豪庭,奧運三寶( 維港灣,柏景灣及帝柏海灣 ),窩打老道8號等等,兩房由窩8及港灣豪庭的500幾呎起,至其他盤600幾呎,入場費最低由170幾萬至超過300萬.

長沙灣及荔枝角區---四小龍( 昇悅居,泓景台,宇晴軒及碧海藍天 ),兩房均由600幾起,入場費由230萬至超過300萬.

希望我的意見幫到你啦,如果你有其他問題,可以E-MAIL俾我再傾,MY [email protected]

如果不想負擔太重,我會買大角咀**港灣豪庭**500呎單位$200萬左右
如果要大啲,我就會買長沙灣四小龍(昇悅居、宇晴軒、泓景臺及碧海籃天)
6xx呎$250-300萬,大把貨.
以上都是樓齡較新設施不錯及交通尚算方便.
希望幫到你啦!

紅磡喇, 因二百幾萬, 又想買到 600 幾呎以上. 九龍西個邊就唔得 ka la. 而且講交通方便. 紅磡幾好. 又即將有地鐵呢. 到時樓價會起. 沙中線呀嘛.