想問,有親戚仙遊左,做白金同通常係點?有咩儀式?

你地係親戚關係﹐就要睇下係乜野親戚。如果係姻親(即係親家)﹐禮貌上應該要做祭帳。

除左姻親外﹐其他親朋戚友淨係做帛金就ok。你姑姐講得o岩﹐“隨量﹑有心”就可以﹐最緊要你自己付擔得起。做幾多帛金都係出心o者﹐如果你親戚屋企經濟有困難﹐而你自己又負擔到﹐可以做多d。我婆婆個舊街坊屋企環境唔係咁好﹐佢地阿爸走o個時﹐我婆婆做左$1001。你地親戚上頭﹐做得少好肉酸﹐起碼都要做$501。

至於你問點解要做單數。因為“好事成雙”﹐白事絕對唔係好事﹐所以做帛金要做單數。如果做雙數帛金﹐就好似賀人地仙遊咁﹐真係大吉利是﹗

幾時俾帛金唔係問題﹐最緊要係出殯前俾就得喇。如果你親戚屋企環境唔好﹑急住用錢﹐你可以o係去靈堂前預先拎上你親戚屋企。你亦可以等到你去靈堂致祭o個日交俾負責收帛金嘅人。

做帛金冇特別儀式﹐亦無特定程序﹐但記得用白信封裝帛金﹗信封正中間寫住“奠儀”﹐並於左下角寫上做帛金嘅人的名字。寫名要跟輩份﹐輩份大先寫。先寫爸爸﹐再寫媽媽﹐最後寫子女。如果你自己一個做一份帛金﹐只係寫你個名就可以。請看以下例子﹕(陳大文是爸爸﹐黃小玲是媽媽﹐陳小明是兒子)

奠
儀


陳黃陳
小小大
明玲文
敬
輓

(**另有帛金封套寫法係寫埋XXX千古﹐不過o個個寫法比較麻煩﹐所以只介紹容易d嘅寫法)

如果你預先交左帛金俾死者家屬﹕
去靈堂時唔使再俾帛金。入到靈堂﹐第一件事o係留名冊上寫名﹐同時於負責接待嘅人(未必係你d親戚﹐可能係死者家屬嘅好朋友)手上接過吉儀﹐然後步入靈堂向死者遺像鞠躬﹑致祭。

如果你冇預早交帛金俾死者家屬﹕
首日去靈堂致祭時﹐第一件事交帛金俾負責接待嘅人﹐然後o係留名冊上寫名﹐同時接過吉儀﹐跟住步入靈堂向死者遺像鞠躬﹑致祭。

得罪講句﹐之前位答者d解答有d問題﹐容我解釋一下﹕

一﹑做帛金避免“好事成雙”係o岩﹐但單數唔係代表唔好。人地擺大壽都係“男做齊頭﹐女做出一”﹐單數並不代表唔好。

二﹑做帛金“公價”唔係$501以上。交情不深嘅好多都係做$201。

三﹑做帛金一定唔可以用利是封入!!! <-- 依點非常重要! 利是封紅噹噹代表喜慶﹐人地屋企做白事﹐你用利是封... 等於著件紅衫去送殯﹐咪即係賀人地“抵死”?! 就算死者家屬唔怪你﹐你都非常丟面。

四﹑裝帛金的封套上絕對唔係寫自己個名。多數於封套上寫一個人嘅名字﹐代表o個個人就係收件者。你做帛金但係寫自己個名﹐咪即係做帛金俾自己?! -__-

五﹑靈堂入面家屬係唔會派糖﹐只有負責接待嘅人於客人留名時遞上“吉儀”。“吉儀”入面有一張白紙巾(或白毛巾)﹑一元硬幣(同樣唔可以係雙數)﹑一粒糖。

記住﹐去完大酒店唔好直接返屋企﹐最好兜兩個圈先。返屋企前用左“吉儀”入面d野﹐個一蚊唔好撈落去自己d錢度﹐拎去搭車又得﹑做善事又得。總之返屋企前用晒“吉儀”入面嘅野﹐個“吉儀”封就掉左先返屋企。

六﹑“吉儀”入面粒糖唔係代表“討意頭”... 因為白事係“苦事”﹐放粒糖入“吉儀”係想o黎出席嘅人“甜甜地”﹐唔使“苦”。

白金一定要係單數!
幾多就要睇你哋幾熟及能負擔幾多，多數$501或以上。
白金要搵利是封入好，並在利是封上寫上自己既名。


中式：
到場要鞠躬、(裝)香、問候家屬、有時會幫手摺元寶...
白金係俾設係靈堂內近門口坐櫃台的家屬，然後佢會俾粒糖你食(攞番個意頭)。

西式：
到場要鞠躬、問候家屬...
白金係俾設係靈堂內近門口坐櫃台的家屬(唔記得有沒有糖)。

好親的話就最好早啲，要返工就放工先去都可以。
大多數人鞠完躬都會坐一陣先走，熟啲就會坐到當晚結束。最好唔好一鞠完躬即走!

如果你唔知要做咩，最好搵家人或親戚一齊去，咁就唔驚做錯嘢啦!
其實唔駛咁擔心嘅，大家都係自己人，知你唔識就一定會提點你嘅。

2007-07-30 01:57:57 補充：
單數,點解既? 有咩野意思架? 可能係因為&quot;好事成雙&quot;，雙數代表好事；單數代表唔好嘅。咁事白事係唔開心，所以要用單數。

2007-08-01 11:50:58 補充：
而家都係咁0岩仙遊左無耐 未有咁快入&quot;大酒店&quot;.... 而家就係上去親戚屋企比白金 咁程序上係咪咁樣做? 如果只係上家屬屋企俾白金，都應該無咩特別嘢要做...都係問候一下、坐下、聊天咁。

最重要一定要單數
ex. $1,,$11, $101,, $251