狗狗轉糧問題

我都覺得Oecan blue啲味好怪, 簡直有少少臭呀! 我本來都係俾我個寶貝食tiimberwolf架, 但佢好唔鍾意食, 要餓得好緊要0既時候, 至會食少少, 仲要食到好似誓願咁. 我冇晒辦法, 惟有再幫佢搵啲易入口0既狗糧, 搵咗好耐, 終於俾我搵到Yarrah呢個牌子, 陣味絕對好聞過timberwolf, 佢同timberwollf一樣, 都係100% organic food, 我個寶貝而家食緊 Dinner 配方, 佢都幾鍾意食, 呢隻牌子全線狗糧都加咗omega 3 & 6, 你可以試吓轉呢隻糧. 價錢方面, 同timberwolf差唔多, 不過冇乜地方有得賣, 你可以上呢個網址訂購 : http://www.petshk.com/sub.php?list=1

我個寶貝細個時啲毛都好鞋架, 我除咗俾佢食有omega 3 & 6 0既狗糧外, 仲俾佢食美毛油, 雙管齊下, 佢而家啲毛又多又幼又滑, 仲立立令添, 佢而家食緊一隻叫 Linatone 0既美毛油, 效果好好, 呢隻美毛油除咗可以令啲毛靚之外, 對皮膚都好好架, 你不妨買嚟試吓吖, 價錢大約$250左右.

希望以上的資料幫到你啦.

其實狗糧成份就算話有omega3同6, 都一定唔會太多, 因為狗糧經高溫烤過之後好多營養都可能會流失左, 我建議你加魚油落狗糧俾你隻狗狗食, 我本身有隻伯恩山犬同大白熊犬, 本來隻伯恩山d毛好瓦色又唔夠黑, 我加左d魚油落去俾佢食之後大約半個月左右就有效果, 毛有光澤同生返d黑嘅毛出黎, 依家落街個個見佢都話佢d毛好靚, 你可以試下, 我個隻牌子我唔記得左, 但係佢標榜係阿拉斯加三文魚油, 因為係北極d三文魚會比一般三文魚多omega3同6, 都係200蚊左右一支, 開頭我都驚佢怕腥會唔食, 但係聞落其實係好香, 同埋食左之後隻狗個口都無咩腥味, 你可以試試...

timberwolf幾好架woo..做咩冇啦啦轉糧?

你可以試下timberwolf溝ocean blue俾佢試下..
因為有d糧唔可以即刻轉.要溝糧架
慢慢你狗狗肯食.then又慢慢多d ocean blue少d timberwolf
你試下先啦.