銅鑼灣皇室堡十多年前是否發生過狐狸精事件?

銅鑼灣皇室堡,它是港島區一座有名的商業中心,設有各類商店及戲院.但大家可否記得20多年前,皇室堡的前名是叫溫沙公爵大廈,後期才改名為今日的皇室堡.當年81至82年的溫沙大廈發生一宗轟動香港的靈異新聞,就是孤仙顯靈事件.傳聞當年有一對夫婦在這大廈的一間酒樓為他們剛出世的兒子擺滿月酒時,因沒有向孤仙敬酒,因而觸怒了孤仙,孤仙便在當晚向那對夫婦的妻子佈夢,說要取她兒子的性命,結果夢境成真,他們的兒子就在當晚無故死去,事件後來傳出之後,這對夫婦認為這座溫沙大廈有孤仙顯靈,害死了他們的兒子,人們起初覺得他們心理過敏,但不久溫沙大廈便發現到在雲石壁上出現了8至9個孤狸的樣子,結果最後引來不少香港市民前來看孤仙的樣子.當然上述 傳聞的真實性難以判斷,但當年孤仙顯靈這事卻做成空前的轟動.
這的確是很久以前的事了, 當時真的很轟動, 又上電視又見報, 根據我既記憶, 狐仙既傳聞起源於虎豹別墅, 當時別墅有好多畫, 工人每朝早都會抺牆上邊既畫, 有一晚, 雷電交加, 天上閃過不正常光線; 第二朝早, 工人照常抺畫, 點知發現牆上有(好像是7個)狐狸頭, 工人大驚, 立即通知其他人, 其他人來到時已不見狐狸頭. 後來又話o係某地方既石頭上出現狐狸面貌, 有學道人士立即用黃紙將石頭封住, 跟住温莎大廈牆上又發現, 電視有影過, 牆上係有三角形面既動物影像, 跟進連牆都比人換埋. 好似話虎豹別墅既狐仙週圍走, 亦話每個見倒既人都無好下場, 當時這宗新聞真的鬧得很大, 但我覺得牆上的影像, 似係雲石既紋多些. 加埋人既幻想, 同傳媒既宣染, 就造成咁大件事啦!

係架係有以上傳聞,我都上過去睇過.
真係見到d傳聞所講嘅狐狸仔係好大隻,
有十隻八隻大大細細咁連埋一齊係d雲石上.
但唔係似促個狐狸樣,
你要自己加d想像囉.
聽講擺满月酒個單係有賣報紙架.
又話有對新人係個度擺酒個晚,個新郎哥比人吸乾晒d血.
有傳個d係差d得道成仙嘅狐狸精,
聽講尼件事發生之後比位高人捉左,放番係森山再收練.
我唔係好記得係放番係台灣定係香港嘅森山.
點都好喇人不犯鬼,鬼都不會犯你.
當奇聞睇吓好喇.
圖片參考：http://hk.yimg.com/i/icon/16/67.gif



　

當時只是面向酒店出口之牆面黑白間雲石花紋
看似一個狐狸頭之傳說
更有話地下停車場最低一層為鬼門關
下次經過你行落去睇睇