0岩0岩生完既媽媽,用薑水洗下面定係用生水??

你剛剛生完bb,下面仲有傷口,而且仲有經期,其實每次去完廁所(不論你係大定小),只要用花洒暖水沖洗就可以的了,而且仲要換埋巾巾,每次都係禁,個傷口就唔容易發炎,大約2星期左右就無咩事,好得七七八八,但最好做到過左廿幾日.禁個傷口應該好返哂了.唔使用薑水洗架,你用薑水來洗會整痛你下面添啊.用暖水就得了,不過一定要次次洗同換巾巾.祝你有個愉快既坐月期.

下面緊係用熟水洗啦！(即係煲過既水)
因為下面可能有傷口，如果用薑水會刺激到傷口好痕嫁！

唔好用生水....因為會有細菌..最好用煲滾左0既水洗(花灑水都唔好)
薑水最好用黎沖涼...可以驅風的...如果用薑水沖涼..用毛巾撻落個身度覺得好痛的話..就代表你個身好多風....洗下面就唔好喇...會(拿死你的)

" 用生水唔好 " 同埋 "用薑水洗好 " 呢D係唔係所謂 "老人家教落呀?
而家呢個年代既媽咪, 係唔係應該 " 科學 " D,
請教醫生哩?

我無生過BB, 但係都知道用薑... 唔惦!
薑, 係刺激既野, 而女性既下面噤敏感...
點講都唔通啦下話...

正常黎講,用清水+肥皂就相當OK架喇.
有需要咪買專洗下面既清潔液囉.

問醫生儸專業意見好過用聽返黎既方法啦.

用清潔劑, 因為 D 薑水好可能有細菌同泥土, 不過如果驚生水有菌, 可以用煮過的凍滾水, 從前D人話唔好用生水係因為以前所謂生水係溪水同河水之類, 唔同依家下下用煲過D水沖涼, 所以唔駛擔心感染細菌, 不過我個人經驗, 如果冬天用煲過薑水沖涼同洗手好舒服, 唔會感覺好凍, 夏天? 唔好嘞, 好鬼熱