攪結婚時才發現她有個秘密瞞住你,是關於整容的...

第一，問自己一個好簡單ge問題： 你係唔鐘意佢整容？定係忍受唔到佢對你講大話？有無可能再繼續一齊走完人生ge路(((結得婚都預左對一世啦))) 如果你係唔想，或者對呢個人/對自己無信心ge，第二步可以唔理，去取消婚禮/分手啦。

第二，一定要講清楚。如果你決定想繼續，你一定要去解決呢個問題，因為佢係你心中始終係一條刺，唔拎走就好似計時炸彈咁總會有爆發ge一日。揀一個可以傾到計((最好得你地兩個))ge地方，平心靜氣同女朋友講你知道ge野，你ge感受，切忌用責怪ge語氣(((唔好講到佢好似有心呃你咁，諗下佢可能有苦衷...)))。俾機會佢講下佢ge原因......

最後，相信。
二字真言，但係係最難ge...... 無人想俾人出賣欺騙，呢個感覺係好難受。要得到真愛，相信支持另一半，接受佢ge一切(((包括好與壞)))，先至可以長久。

p.s. 試下搵多d唔同類型ge人傾訴下，你會睇多好多新ge觀點。千祈唔好咁易俾自己鑽入死胡同啊!!

祝你幸福快樂!!

你接受唔到佢整過容?
定還是佢講大話呢?
兩個人一齊, 最緊要坦白, 你要問清楚佢點解要呃你,
可能佢係因為驚你知道後會接受唔到而離開佢, 所以先唔坦白!
這個絕對值得原諒!
我相信你們是相愛才想結婚吧, 既然愛對方, 點解會介意佢過去的事呢,
整容其實都無乜咁大不了,
但如果你真係接受唔到, 咁你就要考慮清楚是否繼續一齊,
唔好到結婚後才來後悔!

其實你地只係一齊年幾就結婚? 時間好像短了些,
如果唔係特別原因, 點解唔過多兩三年先結?
起碼可以再用多些時間了解一下對方, 是否真的適合為終生伴侶!

真愛佢便包容佢，勿因一次瞞你便無限上綱，坦白溝通，表達出你愛佢個人，比佢有信心，自然唔會再瞞你。就算真的比其他男人經手過，都是在和你一起之前，你如果真介意，是介意佢不誠實，定介意佢比人經手過，你愛佢似乎並不夠了，結婚似乎唔太適合住，考慮清楚吧。

先問你一個問題,,你係咪真心鍾意佢??比著你整過容,,你想唔想話比人知??你話:[如果唔係我發現佢仲要瞞到我幾時]..佢既然一開始就唔講比你知,,佢緊係想一輩子都唔話你知la..仲有,,你從佢一個大話,,就可以聯想到佢仲有幾多大話瞞住你..
雖然我都明白當自己發現同一個拍咗拖年幾，仲打算結婚嘅人整過容（而且仲瞞你咁耐）係幾難受．．但係如果你係真心鍾意佢,,咪包容吓佢囉．．
如果你唔鍾意佢，就趁婚禮正開始籌備，快ｄ甩咗佢ｌａ．．千萬別捨不得！！
路就得兩條．．飛佢定包容佢？？你自己慢慢想啦～

最後..祝找到真愛^^
　　

你而家咁既反應就知點解佢要呃你啦, 唔好自欺欺人地講咩佢照直同你講你就唔會有咁既反應啦, 佢同你講真話你都一定會覺得作嘔
如果你仲想同佢一齊既, 你咪當無事發生扮唔知lor, 哩d野講出黎一定keep住大家心入面有刺, 無謂講
如果你真係好介意唔想同佢一齊既, 咪攤牌lor, 格硬結左咪總有一日會爆....