買長笛一問

我覺得如果你想試下學長笛o岩唔o岩自己，
又或者諗住將來學上去都會換過支笛o既，
而家都可以試下用yamaha o既221。

我自己最初學長笛o既時候諗住買支好少少o既笛，
於是買左yamaha o既481。
初初學o既時候以為自己唔識吹，
有好多音都吹得唔好，
點知後來發現支笛o既螺絲成日鬆，
同o既有o的蓋o既墊唔可以遮晒個孔，
於是決定買過第2支長笛，係yamaha o既881。

881係一支開孔笛，一般開孔笛會比閉孔笛貴，
但係音色會好聽o的。
不過，其實開孔笛每個孔都有個膠蓋，
俾你唔想開孔o既時候用。
初學者應該用閉孔，又或者用個膠蓋蓋住，
因為如果用開孔笛，手指一定要遮晒成個孔先得，
唔係就會漏氣，導致走音。

學開孔笛係要練習，一般都會由一、兩個孔開始，
習慣開一、兩個孔，練到唔會漏氣再開埋其他o的孔，
直到可以開晒o的孔為止。

至於"調子"，唔係好明你指o既係咩，
係咪想問唔同調 o既長笛呢？
saxophone同clarinet有唔同調，
但係長笛冇唔同調，一般都係in C。
除非你指o既係alto flute、tenor flute同bass flute，
不過呢o的笛好少人學，
通常都係一般人慣用o既in C。