animal crossing 金器具

金泥鏟：你需要2個普通泥鏟。你先用泥鏟挖一個洞，之後你打開自己既袋，選擇埋另一個落去。24小時後，你再挖返出黎，個泥鏟就會變成金泥鏟。
功用：用金泥鏟種錢會變搖錢樹，不過都唔一定會種到。而且，種出黎既搖錢樹只會結一次果，搖佐落黎之後，會變返做普通樹。

金水壺：你要將自己條村保持最高評價，大約15日後，你會收到信，村長會送金水壺俾你做獎勵。如果想知自己條村既評價，你可以去村公所，左邊既櫃枱問”environment”。佢會話你知條村有冇地方係唔夠好既。(維持最佳狀態既方法：村子既樹唔能夠種太多，要剛剛好。而且花也要種，要平均每個角落都要有花。仲有每天都要把雜草給拔掉。道具、傢俬等雜物唔可以放係地上，只能放在自己家。)
功用：好似話只有金水壺淋花先有機會種到金玫瑰。

金釣竿：只要你釣齊所有品種既魚，交去博物館展覽，貓頭鷹就會送金釣竿俾你。
功用：比較容易釣到貴價魚。


金捕蟲網：只要你捉齊所有品種既昆蟲，交去博物館展覽，貓頭鷹就會送金捕蟲網俾你。
功用：據說比較容易捉到昆蟲。

金彈弓：擊破16個氣球或以上之後，就會有一個金色既氣球。打佢落黎，份禮物就係金彈弓。
功用：一次可以發3粒彈，咁會比較易中目標。

金斧頭：取得既比較複雜，要同好多特殊人物交換物品先得到。根據以下既步驟：
1.種一個紅蘿蔔(種子可以係星期日早上向山豬買，1,000 bells一包)
2.等畫家海象黎你條村，你俾個紅蘿蔔佢食，佢會送你一條頭巾(非賣品)或者吉他。如果送你既係吉他，將個吉他送俾K.K.(星期六晚係咖啡廳唱歌既狗仔)，佢會送佢張相俾你。
3.如果收到既係頭巾，咁就等駱駝黎，你再送頭巾俾佢，佢會送一個壺(唔記得係咪非賣品)或者一張按摩椅(非賣品)。如果係壺就送俾奸商狐狸(住帳篷那隻)，佢會送夾萬俾你(非賣品)。你可以用夾萬同商店既狸貓換佢既相。
4.如果你收到按摩椅，就等村長出現時送俾佢，佢會送個金色貝殼俾你。
5.將個金色貝殼送俾海狗(間中會係海邊，同佢傾完計，送份禮物俾你就會跳落水那隻)。佢收到後會問你問題，答中有佢既相，答錯就有金斧頭。

功用：永久保用，唔會砍斷(平時既砍幾次就會損耗)

註：金斧頭既取得方法太複雜，中間可能有Ｄ支節我唔係太記得，我唔係太肯定村長會唔會送其他野代替金色貝殼。如果我記得返再補充啦。

good!!!!!!!!!!!!!!

very details!!! =]=]=]=]