9月尾7日6夜東京之旅行程...唔該幫幫忙

你去7日:
Day 1 (25/9/07, Tue) – 就算你搭早機, 當你去到成田機場時已經係當地嘅下午(日本快香港1個鐘), 然後你又要搭車入市中心, 要1.5小時, 去到酒店都可能已經4 or 5點, 所以只可以行一陣(東京店舖and shopping mall 多數8 or 9點關門, 但食市就會開到好夜). 池袋Sunshine City 好多野行, 又有餃子館雪糕館, 足夠消磨你Day1剩番嘅時間.

Day 2 (26/9/07, Wed) – 經過Day1舟車勞頓後, 一定仍然好攰, 所以唔見議Day2一早起身去築地(好多人話要晨咁早去築地, 食最新鮮嘅魚生), 而且築地有好多鋪頭係星期三唔開嘅, 所以見議你瞓多兩粒鐘, 先有足夠腳骨力應付一日shopping嘅行程. Day 2可以去原宿+涉浴, 如果你間間鋪頭都入去睇下, 咁可能一日都行唔晒.

Day 3 (27/9/07, Thu) – 今日就可以去築地喇, 你7點去到已經見到人龍, 尤其係香港人熟悉嘅大和壽司, 排一個鐘都未必入到去, 不過我覺得其他小店D食物都好新鮮, 唔一定要去排長龍嘅鋪頭囉. 食完壽司, 可以順便行下築地街市, 見識下日本一D獨特嘅水果蔬菜, 食下日本嘅豆腐製品(好唔好食就見仁見智喇), 築地仲有好多賣玉子燒嘅鋪頭, 有得試食tim. 跟住可以去新宿行街, 新宿有好多shopping mall, 有排你行, 如果行到悶, 又可以去秋葉原睇下電器, figure公仔同埋玩具, 如果你鍾意多拉A夢, keroro, 高達, 星矢等, 你一定睇到唔捨得走.
如果你想順路D, 可以由築地去秋葉原先(最好11點後到, 唔洗驚D鋪頭未開門), 再去新宿, 如果你喺秋葉原已經買到一袋二袋, 都唔洗驚, 因為鐵路站入面多數都有locker, 有大有細, 都係幾百yen租一次啫.
不過要記得喺新宿站(有JR搭嘅站)入面, 搵一個counter(好似地面上一層)買巴士飛去富士山河口湖.

Day 4 (28/9/07, Fri) – 去河口湖玩喇, 由市中心去富士山, 車程大概1小時45分鐘, 去到富士山, 你可以再搭果道D觀光巴士, 遊晒D景點.

Day 5 (29/9/07, Sat) – 去橫濱, 可以去紅磚倉庫shopping 同埋悠閒D睇下臨海風景, 又可以去埋拉麪博物館睇下以前嘅日本街道同埋食下拉麪, 都幾得意, 如果你好鍾意麪包超人, 就可以去埋麪包超人館, 不過我就覺得麪包超人館無咩特別好睇喇.
如果有時間剩, 可以返池袋行街食野.

Day 6 (30/9/07, Sun) – 去上野恩賜公園, 果道好舒服, 有D中大feel, 如果好天, 仲有人出來街頭表演, 果道仲有個動物園, 都可以去睇下. 上野有好多賣日本零食嘅鋪頭, 直頭好似批發咁, 你可以買好多番香港做手信.
呢日應該會有時間剩, 咁你就可以把握時間去買番想買又未買嘅野, 或者再行下池袋.
如果無咩地方一定要去, 但又有時間剩, 見議你去代官山, 唔係叫你去買野, 因為代官山D野一定比其他地方貴, 而係去感受下果道嘅清淨同埋特色, 可能果道係高尚住宅區, 所以無咁多人, 行街都行得舒服D. 又或者去吉祥寺, 果道有好多特色小鋪, 都藉得一去.

Day 7 (1/10/07, Mon) – 喺池袋最後衝刺, 記得留番時間搭車去機場同埋check in, 機場入面都有唔少鋪頭可以睇野買野gar.

池袋位於東京都JR山手線西北地方, 新宿,原宿,池袋,涉谷,上野都在JR山手線，只要唔好坐錯方向車很快就到。
築地坐大江戶線地鐵，地鐵圖看這裏http://www.ctcn.com.tw/informationhomepage/images/mtrmap_big.gif
橫濱雖然是一個大城巿,　離東京都算近，坐東急東横線，見上地鐵圖
河口湖是你今次行情最遠的，屬山梨縣，可以到火車站附近的旅行社買週遊券，有些package連富士急遊樂場http://www.fujikyu.co.jp/
河口湖民宿網絡　http://www.fujikawaguchiko.net/
自遊行點都要花D時間plan和搜集資料，此網站有行程介紹，http://www.ses.com.hk/　最好買番本旅遊書多點概念好。