為何基督教會說一定要把握生前信耶蘇的機會？

你要先明白咩叫做"信", 真正嘅"信" 係講緊你從未親眼見過一樣野, 但你卻相信佢嘅存在, 如果你要見到呢樣野先覺得佢係存在嘅話, 呢D唔係叫做"信", 係叫做"知", 即係你已經知道佢真係存在喇, 如果你喺死後見到耶穌先信佢存在, 咁好明顯呢D就唔係真正嘅信啦, 佢喺你有生之年俾咁多機會你信佢, 但你都唔信, 要親眼見到你先識信, 將心比己, 咁你又好難要人救你喎.
基督教所講嘅"信", 就係要人以單純嘅信心相信耶穌, 只要你肯信佢, 你就會得救, 所謂得救, 即係你死咗之後可以上天堂享福, 唔洗落地獄受苦, 咁無啦啦D人點會信耶穌呢, 其實睇番好多例子, 每個信耶穌嘅人都一定有佢自己嘅故事, 唔知點解, 人硬係要經歷過一D野, 受過一D苦, 先會去搵耶穌, 可能呢D就係人嘅軟弱啦, D人可以透過信耶穌同埋祈禱而得到力量, 改變佢地對人對事嘅睇法, 令佢地可以繼續輕省咁活落去, 好似有人用福音介毒, 又有人用祈禱驅鬼咁, 全部都係真人真事, 我聽過一個玩神打嘅人俾鬼上身, 攪到成日自殘, 好痛好辛苦, 佢試過搵佛教道教問米婆等幫手, 但愈攪愈衰, 身上嘅鬼愈來愈惡, 最後佢無得選擇, 只有向基督教求助, 咁教會牧師就帶住一班信徒圍住佢, 不停祈禱, 期間佢好辛苦, 全身抽搐, 又嘔白泡, 身上嘅鬼仲通過佢同牧師講: 被上身嘅人根本對耶穌無信心, 所以牧師係唔可能趕走佢地. 好彩試咗幾次之後, D鬼都被趕走晒, 被上身嘅人話佢到最後都將自己完全交俾耶穌, 完全相信耶穌可以救到佢, 咁最後D鬼先可以被趕出來.
有人會覺得信耶穌只係慰藉空虛心靈嘅一種阿Q方法, 實情係點就要你自己試過至知喇.
神對人嘅愛係無窮無盡嘅, 唔會有期限, 而條件亦只係好簡單: 一個信字, 呢個咁簡單嘅條件絕對唔會形成任何規限, 不過神對呢個世界的確放上咗一個期限, 現今世代發生嘅事, 同聖經啟示錄中所講嘅末日好相似, 啟示錄話神會用火來再次毀滅呢個烏煙瘴氣嘅世界(第一次係用水, 有科學證據已證明咗地球古代的確係有一次好嚴重嘅水災, 而聖經內所講嘅娜亞坊舟, 亦已經俾現代人搵到佢嘅殘骸喇), 而家地球愈來愈熱, 科學家估計地球係一百年內會變成沙漠, 好難先搵到水, 咁你話啟示錄嘅預言係咪應驗咗呢, 咁你仲洗唔洗見到耶穌嘅真身先相信佢?

2007-07-29 14:42:24 補充：
我地只係人, 如果以我地咁有限嘅智慧就可以洞悉神嘅心意, 咁神就唔會係神喇, 人間嘅腥風血雨, 你可以話唔係人類自己一手做成嗎? 就算係自然災害, 好多都係因為人類唔去保護環境而發生. 神愛人, 造咗個伊甸園俾人, 又俾人有自由意志去選擇自己想做嘅事, 但人就偏偏唔用和平方法解決問題, 而要選擇條血腥嘅路來行, 選擇去破壞自己嘅安樂窩, 你話神心唔心痛?

2007-07-29 14:43:02 補充：
人有罪唔係因為唔信神, 而係因為唔信神而導致唔接受福音, 福音包括愛, 唔貪心, 寬恕人........, 人心裡都無福音, 又點會真正行善呢, 好多人行善都係想搏出名, 搏人讚, 想積陰德用來抵消自己做過嘅衰野, 或甚麼幫仔女積福等, 行呢D善根本全部都有私心, 唔係真正行善, 而且有無人敢講佢一世人都無行過惡丫, 好似無憎過人, 無貪心過咁,

2007-07-29 14:43:30 補充：
基督徒都會犯呢D罪, 但因為佢地心裡有福音, 所以知道自己犯罪, 會悔改, 會警惕自己唔好再犯, 但其他人心裡無福音, 根本唔覺得自己咁做係唔啱, 佢地心裡面成日都有仇恨, 成日都想得到人地嘅野, 成日都覺得人地對佢地唔公平, 結果咪成日都喊打喊殺囉.

2007-07-29 14:43:52 補充：
呢個世界有好多野, 我地都係唔會明白, 但好簡單一諗, 世界咁多宗教, 只得基督教/天主教所講嘅神係愛世人, 而且全世界咁多人信佢, 咁多人出來講見證, 我唔相信全部都係呃人囉.好多人都會攻擊基督教, 想攻擊嘅, 那怕沒理由, 世世代代, 沒完沒了, 其實信或唔信, 都係自己嘅選擇, 出自真心, 無人可以迫人信或迫人唔信, 但人做每個決定都要承擔後果.

2007-07-30 17:22:46 補充：
探討係正確嘅, 但要明白唔係每樣野都可以搵到你想要嘅答案, 對我來講, 宗教問題係無確定答案嘅, 唔可以用方程式計出來, 唔可以用科學儀器探測到, 每個人對不同宗教都有主觀感受同睇法, 如果你真係想對一個宗教作出真正嘅認識, 最好嘅方法係親身走入去佢地嘅團體, 感受下點解呢班人會相信呢個宗教, 有好多野, 單憑理性係分析唔到gar.

2007-07-30 17:30:40 補充：
每樣野係唔同人眼中, 都可以有唔同睇法, 你覺得係矛盾, 人地未必覺得係, 因為人地對呢樣野有較多認識, 知道來龍去脈, 所以明白並無矛盾存在, 所以要消除你嘅疑慮, 建議你嘗試參加基督教敍會.

2007-07-31 10:14:27 補充：
完全明白你嘅想法同埋心情, 老實講, 你所諗嘅, 我全部都諗過晒, 甚至比你諗得更多, 但我都話人對宗教嘅睇法係好主觀, 我曾經懷疑過神憎過神, 但後來都依靠番佢, 因為我感覺到佢嘅存在, 感覺可以好主觀好虛無縹緲, 但對我來講呢種感覺係好實在. 其實有好多野, 我都仲係唔明, 但我唔會執著, 唔會咄咄逼人, 不竟人類嘅智慧確實有限, 就如愛恩斯坦窮一生精力都唔能夠幫佢自己所有嘅問題搵出答案, 再者, 就算有個好有智慧好有學識嘅人答到你嘅問題, 難保他日有證據證明佢講嘅係錯嘅.

2007-07-31 10:14:43 補充：
宗教唔係頭腦上或理志上嘅認知, 而係要用心靈去感受, 我都經歷過你嘅階段, 我可以話你知, 你永遠唔會喺人嘅口中得到滿意嘅答案, 因為人所知道嘅野的確太少喇.

為何基督教會說一定要把握生前信耶蘇的機會？

回答 (2)