✔ 最佳答案
嘩,用鉗?你真係有心機
圖片參考:
http://hk.yimg.com/i/icon/16/10.gif
化學方法就有啦,你估鹿鼎記o個d化屍水咩。物理方法啦。
水族店有d手動泵買,一邊係一支硬身直管,管尾有個篩避免吸入泥砂;中間係一個你用手出力楂o既泵,然後係一條軟身有摺o既喉。形容都咁複雜,其實講到尾都係用o黎換水o個個泵o者。一般換水都係主力吸下缸底,木/石底同莫絲中間藏住o個d屎,魚糧當然照吸可也。
但係,你點會搞到魚糧剩到可以發霉架?首先,下糧以每次都五分鐘內食清為準,唔應該太多。第二,你有乜野魚,落乜野糧?多數魚用浮水o既片糧就得,因為佢地會浮上水面啄,啄啄下片糧會沉同散開,大口細口/上中下層魚都可以食,但如果你用沉底糧上中層魚就冇咁「就口」,但都會去埋水底o既。最後,你有冇d底層魚?鼠魚就係缸底最佳清道夫,雖然盲摸摸唔用眼,但養得三四條(當然要視乎你個缸幾大),佢地周圍摸都可以同你清到缸底d糧o既。再唔係蝦都有同一功能,但小心唔好買有大大對鉗o個d喎。