下體痕的問題???!!!

如果好似你講到咁痕，就要立即睇醫生，最好係去家計會睇，因為又平又靚，那裡全是女醫生，收費便宜，而且她們專睇婦科，一睇就知你乜事，如果需要，她們會拿你的分秘去化驗，係外面要咁既服務，就只睇專業的婦產科，收費一定貴，有名氣的分分鐘仲要你等餐死。

你可能係"念珠菌"，好普遍，醫生會開一些藥叫你放入陰道，唔使一個星期就痊癒。原因係天氣濕，下體太濕係細菌生存的好地方。我果時就係因為分秘多，於是用護墊，但又換得唔夠密，醫生話咁樣，唔用好過用，只要你著的內褲係棉質，夠通爽就得。還有就係唔好著太貼身的褲，最好著裙，因為比較通爽。

一粒粒可能係暗瘡，我都係下體生過瘡，唔奇，暗瘡都係皮膚發炎。清潔問題，基本上每個人都係一日沖一次涼，我都問過醫生，最緊要係保持下體通爽，唔好局住佢，因為陰道有名你叫，陰陰濕濕的，如果分秘真係好多時，真係要用護墊，每隔個多小時就要換，都係果句，保持乾爽。

我都問過醫生坊間的下體清潔劑怎樣，但係幾個醫生都叫唔好用，原因係沖涼時用的皂，己經係皂性，足夠清潔下體，但專用的下體清潔劑皂性過重，會令我們下體的酸皂值失恆，總之有害冇益；唔信你問下醫生。

2007-07-29 18:06:59 補充：
因為生過細路，我睇過外面好多貴價的私家醫生，平果d我唔敢試，但以家計會的又平又專業。下面的一位，彈家計會係人地m第二日發生性行為都叫佢食事後丸，但佢自己都寫 - 有bb既機會根本好微，咁我都唔明佢點解仲話家計會，唔通等個client有左黎投訴，先叫佢食番???事後丸我都食過，但點都唔傷得個遀胎，或者嚴重過生個BB出來。仲有，千萬不要信計日子，就算係最冇可能的黎M日子，都有人試過有左。

性病...小弟想請問你有無出去玩呢?...
有可能係椰菜花..etc...

如果有出去玩過,又係兩星期以內出現呢種病徵..
應該睇醫生

痛唔痛﹖你有無發生過性行為﹖黑色一點點係近邊度﹖
我怕你有菌﹖如果痕，好多時都係念珠菌，但有黑色一點點有點可怕，你都係快啲去睇醫生，清楚啲檢驗先知結果，唔敢亂咁答你！總之你唯一可以做就係一定要先睇醫生！

2007-07-28 17:12:31 補充：
家計會我唔建意你去，曾聽人講過，黎m第二日發生性行為，家計會竟然要佢食事後丸，事後丸對女性有害無益，而黎m第二日，有bb既機會根本好微！如果你真係有出黎玩，就更加要去睇醫生，係咪性病你自己都唔知，其實而家好多專清潔女性陰道既清潔液，都唔太建意你常用，清水洗對我地係最好架！而婦科醫生亦未至於等餐死，你有須要我可介紹比你！普通念珠菌都係２百幾，要化驗就貴啲！

試下平時洗清潔d,一可能係天氣熱,又出得多汗,如果問題持續要去睇醫生.