✔ 最佳答案
1.你要留意鼠鼠有冇心跳同呼吸,你唔好掂佢,眼定定咁望住佢一分鐘or更耐,睇下有冇高低起伏,有就係未死,都可以再抱住鼠鼠感覺一下佢有冇郁,但咁好唔準,最好用眼去睇會好d
鼠鼠既心跳呼吸有時係好微弱,所以要定d去睇耐d
2.可以用沖涼粉沖涼,一個月大既鼠已經係成鼠,可以當一般鼠咁去打理
同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下.
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.
同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既.
2)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
3)盡量避免沖涼粉整到鼠鼠既眼耳口鼻
3.一星期沖一次,天氣熱既,可以一星期沖兩次
4.水要日日換,食物可以一次放多d,食晒先換,咁可以防止鼠鼠偏食,當然期間覺得污糟or有問題都可以換
糧食方面都要留意好多人既食物都係唔適合鼠鼠既,甚至蔬果我都覺得唔好,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既
2007-07-28 00:40:41 補充：
夏天係好易會咁,有寄生物既糧,係唔可以再俾鼠鼠食架啦,唔係鼠鼠可能會肚瀉,又或食物上既寄生物會令鼠鼠有皮膚病.倒晒有問題既糧,你可以暫時俾住白米俾鼠鼠食,盡快去買包新既詳細原因及預防方法可以參考以下我回答既知識(補充字數有限):
http://hk.knowledge.yahoo.com/question/?qid=7007053003099
2007-07-28 16:10:07 補充：
樓上唔洗咁霸位博發問者交投票or唔理問題時較有利呀?答問題係幫人解決問題,霸位有咩意思
2007-07-28 20:47:34 補充：
買左幾日既鼠仲未適應,買返唻頭兩日應該俾佢靜下,之後試下以下方法同鼠鼠熟d1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食3)再熟d再試下俾野佢食既摸下佢頭or身4)佢都唔抗拒之後,可將食物放在手心,等佢行上唻食,慢慢佢會習慣左你既手
2007-07-28 20:47:49 補充：
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.玩轉轉好多鼠都會跑得好快,特別係小露寶,冇咩問題既,最緊要個轉輪係安全,唔會有隙,要係密封式(籠既地同梯都係),而且籠入面唔會有尖既物品整到佢,都冇咩問題既,唔洗擔心
