1 day-acurue 及博士倫比較

✔ 最佳答案

第一次帶 con 同帶普通眼鏡一樣，先要驗眼搵出
1. 雙眼近視同散光既度數
2. 眼球同視網膜有冇明顯既眼疾如青光眼、白內障等

配 con 既仲要驗埋
3. 淚腺既分泌是否正常
4. 眼角膜既弧度係幾多

因此配 con 時要搵政府註册既視光師同埋隱形眼鏡驗配師驗眼(佢哋可以係同一個人又或者係唔同既人)

因為唔同牌子既 1-day con 出既弧度大小唔一樣，所以未必你心目中想帶既牌子有出到你雙眼既弧度。因此係要驗咗眼後，隱形眼鏡驗配師先可以話比你知你可以揀邊個牌子既1-day con！

有d人既眼睛既弧度比較 in between d，就會比較麻煩。所謂in between，係嗰個人雙眼弧度，啱啱係兩種弧度之間。但係有d人既眼睛既弧度fall out咗出產商所出既弧度之外！咁即係冇得楝！

好既隱形眼鏡驗配師會比你試幾對唔同牌子同唔同弧度既 1-day con，等你可以既時比較吓邊隻弧度會適合d！因為con係好貼住眼球既膠片，弧度太細，你會覺得雙眼有嘢cool住既感覺咁；弧度太大，就覺得副con郁嚟郁去，睇嘢浮下浮下咁！所以建議第一次買 1-day con，就算當時試真係試啱某一個弧度，都唔好因為有優惠一次過訂6、7盒，因為你第一次帶 con，都唔知分唔分到咩叫做帶得舒服定唔舒服，後嚟先發覺唔舒服就會嘥咗嘞！

如果2隻眼度數唔同，就要睇相差得遠唔遠，一般相差少於50度既，都可以以其中淺d度數嗰隻眼為依歸嚟配。即係如果你一隻眼係500度近視，叧一隻係550度近視，咁多數都會建議雙眼同時配500度近視既con，咁樣就唔洗驚帶錯。

如果有散光既，同近視度數既處理一樣，雙眼散光度數少於100度既，基本上唔洗專登買有散光既既 1-day con！帶普通1-day con就可以。

其實帶con唔係隻牌子特別令你眼乾，眼乾既原因有以下幾點：

1. 1-day con 既厚度
以個人經驗，最好用既反而係最普通嗰隻 1-day。因為鏡身薄，最有無重feel，但比較易整爤。我帶咗2年幾，整爤咗唔夠5隻，都可以接受。
試過 moist 嗰隻：如果你本身夠淚水既就會舒服d，我試過唔夠瞓帶時，對con反而會乾到想跌出嚟。分析後覺得，因為moist既鏡片厚身咗，原本係用嚟吸收多d水份；但係如果本身眼乾，塊鏡片就會縮得勁d，因為厚咗既鏡片要keep住多d水份先可以撐住個shape，咁你隻眼本身巳經唔夠水，塊厚咗既鏡片又同隻眼爭水，咁就會勁乾嘞！
至於有散光既 1-day，我都試過帶。可能因為都係厚身咗，所以都係比最普通嗰隻1-day乾。

2. 本身雙眼既淚水分泌夠唔夠。有d人因為淚水分泌太少而唔帶得 con。但大部份人初時帶都會覺乾，咁就會用帶con用既專用眼藥水急救，慢慢對眼適應咗就會唔係咁乾。

3. 身體狀況 - 如果唔夠瞓、身體缺水，雙眼就會特別乾。飲適量既水，補充身體水份就可以消除一部份既乾。

4. 係濕度低既環境長時間逗留。放杯水係枱面增加附近環境既濕度，雙眼就會舒服d。

至於去邊間眼鏡店？我通常唔去連鎖式眼鏡舖，因為佢哋大部份都唔係好pro。有兩個可以介紹比你：

1. Dommic C.P. Chim 詹振邦 Tel - 2771 2868 喺旺角荷李活商業中心 (佢係政府註冊一級視光師兼隱形眼鏡驗配師，好多回頭客，驗眼要收費)

2. Dr. Hui Tak Wing, Samuel 許德榮醫生 Tel - 2392 3998 喺旺角中心一期 (佢間醫務所內有一個配眼鏡同配隱形眼鏡既地方，好pro，不過要預約驗眼同驗眼要收費，價錢會貴d)

1 day-acurue 及 博士倫 比較

回答 (3)