點知道狗狗happy??

其實當你發覺佢搖住尾既時候...就係代表佢呢刻既心情ok...
（例如：　一個三唔識七既人走埋佢度摸佢...而隻狗狗搖住尾咁走埋去...咁就代表佢冇戒心...而且仲好友情添；　又或者可以咁講...當你去完街返屋企果陣...你會發現你隻狗狗會比平時異常興奮咁跑過嚟你身邊...咁樣就代表佢好開心咁等你返嚟）
其實狗狗同我哋人一樣都識得笑架...
（個樣有如人哋話 "烚熟狗頭"一樣）...

要train一隻狗其實真係唔容易架...你要放好多時間及耐性去教（年齡亦唔係問題）
無論佢幾大幾細都好...都可以教！
首先你要教佢之前你一定要準備一啲狗狗食得既零食（例如：芝士, 狗餅等等）
當佢做啱個指令果陣你就要獎佢食一啲零食...做錯咗就冇得食...（但唔可以打佢）
咁樣佢就會記住邊一個指令係要配做邊一個動作！
（切記千萬唔可以教得太過急...千祈唔好今日教sit, 聽日教down, 後日教hand等等...
你要俾時間俾佢適應架...最起碼你要教到佢一聽到個指令就識得做先可以教第二個...如此類推...如果唔係就會弄巧成拙...）
慢慢教就可以了...
依家我隻狗狗都識好多指令啦！（例如：轉圈, 雙腳行路, 俾手, sit, down, 雙手舉起...）
希望你隻狗狗都快ｄ學識啦...

我隻狗狗開心唔只搖尾,佢重不停扭曲身體自轉,又用身體摩擦我的小腿.