我想請問學習鋼琴…

音樂無分年齡限制~幾多歲都ok...不過當然愈細愈靈啦la D 手指!!~只要有心學就ok ga la^^加油!

學習鋼琴冇話甚麼年紀是最適合的，因為每個小孩的發育都不同，要視乎佢的肌肉和智力發展。

年紀太小，手指太軟，又未懂事，連左右的Concept都未明，咁你比佢學都係磨時間啫，比佢去下唱歌班同d小朋友一齊玩下仲好。
不過啦，的確有d小朋友好細就手指好好力，而且腦筋轉得又快，咁佢地咪可以早d學囉。
細個學的話，佢的音樂概念會強d，音感會好d，而且長大後手指都會較靈活(如果佢有一直練習的話)。

不過都唔一定好架，因為小朋友好難有咁大的興趣keep住成日練琴，所以通常都會變成係家長迫的。
大個先學的話，智力發展成熟d，概念會接收快好多，學的進度會比小朋友快，手指的靈活就要將勤補拙囉。

以我自己為例，我係大個先學的，差不多12歲先開始(就黎升中一時)，我老師初初唔收我，話正式學琴(即有心完成整個8級)都唔會咁大先學，不過佢係我媽的朋友，所以都收左我啦。
不過結果係我學得比一般小朋友快，其實我唔係勤力的人啦，學學下仲成日要阿媽用雞毛掃掃我上琴凳，不過我中學都未畢業就考哂8級了。而且我預科開始學雙簧管(當時好似18歲)，學左一年就考埋6級囉，不過之後a-level就冇學了。

所以啦，學習鋼琴係冇年齡限制的，冇影響啦，我老師早排仲收左個70多歲的婆婆添，不過佢只係當興趣玩下啫，彈彈聖詩咁。不過70歲都可以，10幾歲就一定冇問題啦。

只係10幾歲的人都會好多節目，要小心不要懶散唔練習喔，鋼琴好易荒廢的。

10-18歲仲細,
都唔會太大影響.
當然, 要你有興趣花時間日日練琴才可.

以我學左綱琴咁多年的經驗來說,我覺得9,10歲學,進度係最快的,吸收又快.

但如果你問我10-18y去學的話都冇問題,睇你資質好唔好啦,若果好的話,

應該好快追到人ga la!若果資質唔好的話,你就一定要苦練la同埋要有少少運咁........

想知多的,就send email 俾我啦[email protected]

如果長大後(10-18)才學，

都冇問題既，

但由於你都幾遲學，

所以要勤練，

才會有機會ｄｏ鋼琴家，

此外，

要學任何野都沒有年齡限制，

所以放心去學啦！

最好細個學,因為細個手指較軟!不過長大後學唔會有影響!