會計師、精算師、核數師

會計師向香港係由香港會計師公會發牌監管, 根據專業會計師條例執業。會計師既服務非常廣泛, 可以編制財務報表, 提供稅務意見, 擔當核數師, 受法庭委任為公司清盤人, 處理企業重組併購等等商業功能。

精算師向香港只有精算師學會作為一個輔助機構。要考牌既精算師多數會考北美精算學會、美國非人壽精算學會、英國精算師協會和澳洲精算師學會既專業資格。精算師係通過複雜既數理模型量化風險, 或者計算某一樣事情將來會發生既機率。

核數師, 根據專業會計師條例同公司條例, 必須要係有專業資格既會計師。核數師係根據對客戶既認識同得到既財務紀錄資料對客戶所編制既財務報表是否合乎公認原則 (例如香港會計準則) 發表意見。

三者既分別可以咁講: 核數師一定要係會計師, 但會計師唔一定係核數師。至於精算師係另一種專業。會計師同核數師大多數都係要審視以前既資料, 而精算師多d 會偏重估計未來。雖然會計師同核數師有時都要對未來做planning (好似做budget), 但佢地唔係專業去估計未來既人。如果涉及重大既未知事件或金額, 會計師同核數師都會尋求精算師既意見。