點樣先至可以嫁得出？

照睇妳應該係全職學生，我諗如果妳不介意，可以試試同教授，助教，研究生等拍拖。佢地知識豐富，又可能將來收入穩定，所以可以諗諗。
不過我覺得妳應該確定自已鍾意另一半係點樣，如果冇意思結婚而只係有feel 就唔好累人累己。
希望幫倒妳。

哩ｄ野唔到我地控制ｇｅ，
點心急都無辦法加啦～
我都知我好似係度講緊廢話，
但係無可否認哩個係事實．．．
任你個生活圈子擴得再大，
大到去全世界都好啦，
緣份未到就係未到，
當然啦，生活圈子大ｄ點都係一件好事，
最起碼，叫人幫手搵工都易ｄ～～（講笑）
不如做好自己先啦，
咁難得可以完成自己畢生志願，
咁就俾ｄ心機讀好佢～
當然同時亦要好好打扮下自己，
每日都keep住最佳狀態示人，
因為你會隨時遇上同你一生一世ｇｅ果個人～～

其實你知唔知自己需要咩?
淨係想嫁得出?
講真我都係女仔不過問題係如果你是但搵個人嫁左咁又點，將來離婚呢?
我諗你既思想比一個十幾歲既女仔冇分別，我都係一個就30既女仔，不過我未至於好似你咁樣咁渴望結婚，我唔知你身邊既人係咪嫁哂或者係拍緊拖而令到你想結婚既衝動，其實你明唔明結婚係咩野?唔係話影完婚紗相擺完酒好開心咁過住王子同公主既生活就叫一世，你有冇真係諗過嫁左之後又點?係知唔知兩個人生活係好大責任。我都係女仔我都想身邊既朋友嫁得好D，但係如果因為想嫁而嫁我一定唔贊成。

2007-07-30 17:41:37 補充：
既然你係咁以為我冇野好講，而我亦唔覺得我係好成熟，只不過想你明白一D野，不過算啦我諗我都冇咩[好意見]比你，不過好多謝你肯睇我既回覆。

我好明白你意思, 不過你的自制能力真係好弱, 你的生活圈子好小, 讀書唔好放棄這是你的理想? 你年齡都唔係好大, 除左讀書, 亦都要廣大自己的生活圈子吧!!
有時間可參加一些活動, 有d團體辦一些男女活動主題(如 聖雅各福群會), 可考慮! 最後,有d婚姻介紹所亦可以考慮。
祝你好運!

睇你既情況....因為生活圈子細,所以認識唔到同年紀既男事,再加上香港男少女多,要搵到老公真係唔容易.....而且女人過左30, market value又會降低,有邊個唔想自己既女友or老婆,又後生,又靘呀.........讀書一定唔可以放棄架啦,不過我提議你去參加一d speed dating 既活動,咁可以識多d朋友,擴闊自己生活圈子.............你可以參考下幾間唔同既公司活動
http://www.seeking-u.com/
http://www.214dating.com/
http://www.cinder.com.hk/main/TC_BIG5/introduction.php
其實我都驚自己嫁唔出........不過姻緣既野,好難講,可遇不可求,我地可以做既,唯有積極d擴闊自己既生活圈子,咁當然如果你既朋友有其他男仔介紹比你就更加好,總之自己都要肯行出第一步,唔通真係坐係到,會有個男人送埋黎咩..........
其實我同你既情況都差唔多,又係好容易鍾意人,就算明知唔岩,但係有個feel,都會試,結果到現在都係單身...........唉.......有時都真係幾灰架.......如果再過多幾年都搵唔到,咪一個人算啦.......有時有d野都唔到自己控制既.
祝大家早日搵到另一半,嫁到個好老公....哈哈

咁你d感情生活咁豐富，入面唔可以搵到一個真係可以同你結婚嘅人咩?總有d係好架?
你唔好要求咁高囉!
你而家讀書身邊都係圍繞住d同學仔，但你都有其他朋友架，多d搵下佢地囉，無話讀書就要玩自閉架，朋友搭朋友都可以識到人架。
不過我提醒你唔好為嫁而嫁囉，都要真係互相中意先好囉。