你覺得香港的"民主黨"真的民主嗎? 請發表見解

其實要答呢個題目，首先要釐清題目。一個黨係唔係真民主？從字面意思睇，似乎係問黨內是否民主，最多從而向外推展到佢地o既政治方向是否真正為民主努力。
唔知問者其實係唔係呢個意思，但從字面睇，冇其他可能。如果你係講緊如樓上所說，以佢地應付涂謹申單o野o既手法，決定一個黨是否民主，咁你就要搞清楚一個概念：向乜野民負責？一個政府係全體人民o既，佢o既民主就係要向所有人民負責；一個政黨，選舉時向選民取得授權，進入議會同政府，要政府向選民負責，呢個就佢地o既責任。一個公開o既社會中，大集團、公共事業機構，有某ｄ影響公眾之事向大眾交代，係應然之事，但呢個唔係涉及民主。只係責任。如果一個機構要向大眾有民主o既形式去負責，咁個個人都要係股東、會員、黨員。請搞清楚。
如果以黨內民主去睇，民主黨唔係十分民主，佢地陣營內一路都有少壯派同主流派，少壯派，兩方面一直有矛盾，去年亦出現黨內權鬥。以黨o既派出選舉候選人去睇，似乎冇搵到辦法令黨內少壯派有機會角逐，除左睇成培訓做得唔好外，亦可以係權力太集中於高層手中。事實上歷年來亦流失左如陳偉業、陶君行呢ｄ人。
政治方向方面，民主黨月前同公民黨走去參加小圈子選舉。如果以「政治是妥協的藝術」為理由，咁佢地就當然係做都盡啦，因為不單參加到尾，仲要因為佢地同曾蔭權o係一個受控制o既基礎上有過一個真選舉，令到曾蔭權做到一個經過選舉「考驗」o既特首，懶係有民意咁。但係民調時佢民望較高，不能不考慮現實o既香港人係從來不認為梁家傑有勝算，所以揀煲呔。甘於參加一個自己遣責o既選舉，而實際上又睇唔到香港人除左有一場show睇之外，有乜野真正得著。咁其實就唔知佢地o既「民主路線」係點行。
我諗呢個就係民主黨o既政治現況。究竟要堅持如社民連，定係要妥協？但妥協有乜野結果？中央始終唔會信任，而又令自己同民建聯／自由黨o既界線漸趨模糊。
＊　＊　＊　＊　＊　＊　＊　＊
另外亦想在此解開樓上一ｄ疑團。
「若從口號而言，那民主黨真的「不夠」民主，因為她們每每都反對一些政府政策的同時，卻沒有提出一套解決的方案，或比目前更好的建議，使市民只感覺到她們為反對而反對，對於發展香港的民主，沒有一點幫助。」
其實呢個係一ｄ揮之不去o既印象。要知道其實一條法案去到立法會，其實係容許議員動議作出修訂。電視新聞由於時間所限，往往會重點講政府方案被否決，但對議員修訂就冇咁多報道；而唔係重大爭論o既議案通過，電視未必會報道，所以即使事實上泛民有好多支持政府o既時候，呢ｄ事都唔會o係傳媒上曝光。政府方案當然有一定支持者，除非重大議題，呢ｄ支持者都係唔會點反對o既，但咁唔代表有反對意見、有修訂動議就係「為反對而反對」。而修訂就係樓上所想見到o既「更好的建議」，當然係更好定更壞大家可以討論。

「空洞的會讓香港民主倒退的言語」不知是何所指，何所據而云？

「不要做一些自己沒有辦法去改變的事情，如甚麼普選等。」如果老細唔出糧，是否唔追？實情是，樓上都睇得到，「這些是要經過中央批準才能成事的」。好明顯，中央一日唔令到選舉結果可以預計，只會拖到底。
「就算真的有一位經普選選出來的行政長官，但中央不同意，那就只會變成一場鬧劇，對自己、對香港都不是一件好事，那民主黨就不要去做，免得日後成了千古罪人。」基本法對特首產生規定要獲得足夠選委提名，先有資格去到被一班立場清晰o既選委提名。無北京認可，有人有勝望咩？而如果要改基本法，有三個關卡。先要立法會三份二同意，呢個冇可能發生，第二要特首同意，亦不可能。雖然實際上係唔會去到第三關，但第一二關都係阿爺示下架啦。點會做到要最後北京反對呢個鬧劇呢一幕？但如果連爭取都唔做，會唔會更接近千古罪人？

「我們必須將主導權取回來後才去發展民主」，此語甚令引發遐想。點奪呢？唔係文革奪權，一味蠻幹喎。行政會議主導權係唔駛諗架啦，唯一就係立法會，但係立法會一日不改變現在分組點票o既制衡機制，民意代表有可能去得到主導權。但係閣下又話爭取呢ｄ野阿爺不同意就唔好做。咁究竟佢地仲可以做乜呢？等到二○四七？

民主黨是否一個民主的黨，這個問題是見人見智。從新聞中得知，民主黨並不見得是一個十分民主的黨，與其他黨派相比，她們的選舉制度其實是一樣的。所以若以這點為論點，彼此都沒有分別。若從口號而言，那民主黨真的「不夠」民主，因為她們每每都反對一些政府政策的同時，卻沒有提出一套解決的方案，或比目前更好的建議，使市民只感覺到她們為反對而反對，對於發展香港的民主，沒有一點幫助。

由於市民目前而言看不到民主黨的努力，所以使得她們的支持率不斷創新低。若香港的民主黨想挽回弱勢，那就要改變現狀。一、你要反對，可以，但同時亦提出一個比現時有更好的方案，若沒有，只說出空洞的會讓香港民主倒退的言語，香港市民，未必能聽得懂。

二、不要做一些自己沒有辦法去改變的事情，如甚麼普選等。眾所週知，這些是要經過中央批準才能成事的，而就算真的有一位經普選選出來的行政長官，但中央不同意，那就只會變成一場鬧劇，對自己、對香港都不是一件好事，那民主黨就不要去做，免得日後成了千古罪人。

或許有人不同意，或說小弟有點那個，但我想向各位讀者說出一件事實，今天主政的不是咱們，而是北大人；今天當家的不是民主黨，而是行政會議。我們必須將主導權取回來後才去發展民主，否則只是夢一場而已。

打個比方; 很多人都想做生意,可是不能拿個概念,說做就做,明天就做,甚至今天就做.這樣一定是賠錢失敗告終.
做甚麼生意;怎樣做.. 是不是?
我懷疑民主黨人究竟要怎樣做?知不知道怎樣做!

2007-07-27 15:18:24 補充：
不是說做生意就是買回來加上利潤就賣出去,這麼簡單. 這樣說是騙人的.可是她們"民主黨"正正就是給市民說:不要搞得這麼複雜了,不就是一人一票就得了嗎!