如果在浴室內(線)到,整到d骨,應該點做?

第一時間去診所或急症室求醫，一定要求照X-ray，由醫生睇film確診有冇骨折！

X-ray後發現有骨折既話，會視乎骨折既類型而要接受唔同既修復手術：

1. 外固定法
將鋼針通過皮膚插入至復位的骨折碎骨片上，然後固定於皮膚外的金屬支架上。等到骨折愈合，再將針和支架拆除

2. 內固定法
先在皮膚上作一切口，顯露骨折部位，然後置入鋼板、鋼絲、螺絲釘、鋼棒和鋼釘等組件。常用於固定嚴重的多處骨折

一般單一部位骨折既康復期為：
1. 腰部以上約需3個月
2. 腰部以下約需6個月
(當然視乎個人體質及骨折既嚴重而有快慢)

X-ray後發現冇骨折，但受傷既部位又持續疼痛2星期或以上既話，建議快d去照MRI磁力共振。佢可以照出係咪d肌肉撕裂、軟組織或者軟骨爆裂突出 …

如果個contusion係喺spine度又陪有手腳麻痺，好大可能性係發生咗椎間盤突出症，俗稱 PID。成因係相鄰兩個椎骨之間有椎間軟骨盤較硬既纖維環受外力撞擊而破損撕裂，導致中央凍狀既髓核突出而使脊神經根受壓。當脊神經根受壓會引起嚴重的背痛，而痛楚會伸延至其他部位，如肩頸痛、手腳麻痺等 …

PID既醫治方法係止痛、物理治療、或可選擇做手術又或可選擇不理會(當然要醫生確定嚴重性而作出選擇)。因為突出既凍狀髓核會自然被身體吸收而令脊神經根不再受壓而痊癒！不藥而癒既時間長短視乎受傷脊椎既位置，較上部位會較快(9-12個月)，較下部位會較慢同受影響既部位會較多較嚴重！又因為有d個案，受壓既神經根影響到日常生活如失禁、不良於行等，所以醫生或會recommend做手術！

如果係肌肉撕裂既話，可以做手術接回。康復期要視乎受傷部位而定。一般要經常動既部位要較長時間才能完全康復。

不論骨折、PID定肌肉撕裂，都需要做物理治療同職業治療嚟幫助整體性康復。因為一處地方受傷，必然會令人多用咗無受傷既部位，因而令到原來無受傷既部位最終都受傷！所以要整體回復健康，相關部位亦必須同步進行相關既治療。

唔好等！快D去照同見醫生！

去急証室同照ｘ－ｒａｙ