如果交吉前驗樓發現有問題, 是否仍然要簽約?(急,20分!!)

唔好信chiman!簽佐臨時合約,俾佐10%,交易完成唔到時(你話渠塞想唔買),係當你撻訂,10%無佐,仲要賠兩方佣金,如果舊業主賣平佐(收佐10%,賣平D又如何),仲可以向你追討差額,仲有律師費,厘印費呢!如果無影響樓宇結構,係一定要完成交易的.
至於渠塞,如果肯定佢口頭應承過你,代理又在場,佢唔寫落合約度,係佢唔啱,你可以去EAA度投訢佢,仲可以去小額錢債追,如果怕煩,學我個朋友去代理公司上頭投訢,結果係佣金度扣回幾千元(當然要煩多佢地幾次)!
至於差,管係應該用者自付,律師會同你對數,地產代理亦要同你跟進,不用擔心.
而家樓價升佐,覺得唔鍾意,整好條渠轉頭賣出去,話唔定仲大有斬獲,千祈唔好撻訂,不要因小失大.

2007-08-01 01:50:05 補充：
想遲交易係要雙方律師同意,唔係你話遲就遲,你單方面唔簽名,一樣係當你撻訂.

1. 是否可以待業主修理好條渠才簽約? 但是否必須在限期前完成交易？
你可向律師要求...因為這個問題而延遲交易日期...或者是延遲付清尾數....

2. 個地產代理是否失職？
不能說是失職...只是操守問題....但絕對不是"必買必賣"的...有合理理由是可以唔買的...eg...因此而影響大廈結構等等.....

反而我想問....你的律師是相識的嗎?..就算不是...都應該傱多方面給你分析的...

3. 如按原定交易, 主業最後都沒有修理條渠, 是否奈佢唔何？？
當然不能付清尾數的...一於拖拖拖......(若你唔急住的話....)

我認為你都是找多d.....法律意見吧....(因有很多文件要跟進的)

希望幫到你.....

你叫左業主整返條渠未? 你可以同佢傾一係遲d成交等佢整埋條渠, 一係賠錢了事, (不過你唔可以因為咁就打算唔成交, 因為你已經去到必買必賣, 呢個唔係理由踢契的,) 你話遲d成交, 通常佢都會同你整嫁啦! 而且又唔洗好多錢, 如果你唔想煩, 就算數啦! 自己反正要裝修, 一次過整埋姐... 你可以係完成哂先俾佣金個地產代理, 佢會幫你同個業主講數的, 同佢講如果傾唔掂就投訴佢, 傾得掂就以後有生意都搵反佢...佢應該識做嫁啦!

2007-07-27 21:44:35 補充：
口頭答應都有法律效力的, 地產代理可以做人証, [個律師依然叫我完成交易]都很正常, 我都問過律師都係咁答, 因為呢個唔算踢契的理由, 但你可以因此拖延成交日來迫佢整, 佢一日唔整, 佢一日都收唔到尾數, 叫佢自己諗諗, 更改成交日通知律師地產代理就得嫁啦! 地產代理都要做嘢嫁! 業主應該會肯整嘅!

2007-07-28 23:36:55 補充：
你係成交日仲會對埋d上手預繳左的尾數, 通常都係成交日之後先俾的, 你可以同上手業傾好係個筆數到扣的(如果佢唔整)上手業主要俾反差餉付款的收據你的, 仲有之前預繳左個幾個的管理費收據等來証明, 相方律師都會幫手check的, 而水電煤係跟人,各自開的, 所以唔洗理佢有冇找清, 佢之前有俾按金的, 會自動扣數的,

2007-07-28 23:49:55 補充：
其實過左大訂已經係必買必賣嫁啦! 邊方面唔成交就要賠錢俾令外一方, 唔成交即係0係拍定日期都唔俾埋尾數或決定尿消買賣, 令外一方有權要求取回經紀佣金,賣/買下一次的差額等....除非賣方有心騙買方, 沒有做到臨約指定的要求(如說明冇死過人,但事實又有呀!等等), 因此要想清楚係咪一定要因此cancel啦! 通常人都係因為樓價大跌唔想上身先會想踢契的.

買樓當然要搞掂晒d野至好簽約la(簽左約就咩都唔駛講呢)

順帶一提　你買的唔會係一二三樓或者係天台ar ma
如果係的話　我覺得你會唔買好過買呢
因為塞起渠上黎　後果會非常大呢~~~
(水渠的話　成屋水就冇所謂ar　如果係屎渠　成屋屎的話　你諗下後果會係點)

2007-08-02 23:02:18 補充：
睇黎kathy1227hk係想叫你咩都唔理簽左約先　之後再解決問題(無可否認　佢既理論亦係正確)但係...首先我無叫你唔好簽約　我係話搞掂(整好)晒d野至簽約所以你係應該先同業主律師商量好至簽(我諗冇人反對掛　都已經有人提左la~~~)令外口頭承諾我係令一篇亦有提及(其他回答者亦有 ^^)http://hk.knowledge.yahoo.com/question/?qid=7007072700335至於投機(炒樓)　我唔敢多講(因我冇能力/未諗過炒樓=.=")不過老實講　而家係買樓　基本上係唔同去街市買棵菜的... @@

2007-08-02 23:07:58 補充：
令外一篇相同問題既回答~~~ @@http://hk.knowledge.yahoo.com/question/?qid=7007072700335