2個半月白色北京狗仔bb既問題?

其實我覺得你隻北京狗吠你同你老公既原因好簡單...
係因為你買佢返嚟咁耐就困佢係個籠咁耐呀...
俾著係你或者任何人都一早己經發咗顛啦...
所以你唔使買滅聲帶俾佢用呀（而且用滅聲帶太冇人道啦...）

至於你話你買隻狗仔返嚟果陣...寵物店ｄ人話未打齊三支針就唔可以地,
呢個提議實在係好有問題...我初初買隻狗返嚟陣都係淨係打咗第一支預防針咋...
但係個醫生就同我講係話：要打齊三支預防針先好帶隻狗狗出街...
（因為狗狗本身仲係好細個...身體又冇乜抵抗力...未打齊三支針出街好危險）
要同隻狗狗出街就一定要打齊三支針先...
（並唔係你口中所講既打齊三支針先可以放佢落地行...）
～所以你依家快ｄ放番你隻狗狗出嚟啦...成日俾人困住好慘架～
不過你放佢出嚟活動之前...最好用消毒藥水１：９９拖乾淨你屋企先,
因為你隻狗狗始終咁細又未打齊針...就算屋企有少少污漕都唔得呀！

狗狗打完第二支針之後你就可以同佢用水沖涼啦...
依家天氣都比較熱...你自己都可以幫佢係屋企沖涼架
（但就一定要用狗狗用的沖涼液...唔可以用人果啲）
不過你既動作要快手啲...因為慢手慢腳的話好容易令狗狗冷親的...
仲有就係幫佢吹毛果時...首先要用暖風吹乾佢個肚仔先...如果唔係好易令佢肚痾架！
如果你怕冷親佢又或者佢未打第二支針之前...
你可以去有寵物用品買的地方買一啲叫做 "乾洗粉" 幫佢抺身...
用法好簡單...將適量既乾洗粉倒喺你隻狗狗身上...
再用刷毛刷幫佢刷番身上啲粉落嚟就得啦...～用完之後包你話香噴噴～

至於你話要教佢去廁所就最好依家教啦...
等佢大個仔先嚟教就太遲啦...

<希望你快ｄ放番你隻狗狗出嚟啦>

其實狗仔未打齊3枝針係唔可以出街落地行，怕會感染狗瘟~死亡率很高，但在自已屋企應該無問題，如你有同時養其他狗，但定時打齊針亦無問題。
請明白2~3個月大的BB，其實同人的BB一樣，好想有人抱下錫下代替離開咗自己嘅mami，有多D安全感。我諗你放佢出嚟會好D，起碼有人係屋企時要咁做，仲要同佢玩吓，其實買D狗仔玩具比佢係一個好辦法，買D軟嘅好似毛公仔，等佢可以一齊瞓教，買D硬既比佢磨下牙，可减少咬爛其他傢俬的机會，不過唔好買有容易脫落部份的玩具，例如
有塑膠眼耳口鼻的毛公仔，同時要小心家中的電線及有毒物品，例如消毒藥水漂白水之類
，切勿放在狗仔去得到的地方。等到佢對呢個屋企有安全感，覺得有人疼錫佢之後，應該就唔會亂咁吠(小狗一般在不安或有要求時才吠的)，咁你咪唔駛用滅声器囉，況且滅声器一來作用不大(起碼對於習慣亂吠的小狗唔Work)，二來滅声器會令小狗好痛，如果你錫佢的話，如比D耐性等佢習慣呢個屋企啦！
至於放佢出嚟後你可考慮將來希望狗仔係邊度大小便，再訓練佢(要儘快否則習慣到處疴
就好難改正)，照你既Case睇，訓練佢係籠会容易D，因已有2星期習慣。
訓練狗仔去指定地方大小其實唔係太難，不過需要耐性，一般1~2星期就O.K.。
狗仔大小便一般都会在剛睡醒、剛吃飽和飲水後、以及和人玩耍一段時間後，只要你在這
些時間後立即把他放在指定地方，期間不斷告訴他(例如：乖呀，疴尿尿要係呢度架)，一定要等他解決了才讓他離開，並且讚他乖及給予獎勵，例如一些BB狗都可以食嘅小食(寵物店有售，但人的食物最好避免，因小狗的腸胃很敏感，很容易嘔吐)。初時佢可能会繼續係其他地方疴，你要在他做錯時第一時間按他的鼻去聞下，告訴他不可以，甚至可以輕輕
的打他幾下屁股(不可打頭及只可用手掌)，再帶他去指定地方，告訴他：疴尿尿/疴臭臭係
呢度呀，如果唔係就打打....等等。訓練成功與否，關鍵就在頭2週，請耐心點，成功的話，你將來的日子就好過了！
至於冲凉方面，是可以的，但最好找一間有信心的寵物店代勞，因為自已冲的話好容易
冷親感冒，特別在未打齊針的情况下好易導至死亡。
最後，特別提醒你一D好多人 都無留意的問題，就係狗BB一般都又活躍又好奇，最喜歡
緊貼在人的身邊，小心踏斷他的手腳，小心你食飯時掉下的食物，尤其是雞骨魚骨之類，唔小心比小狗食咗会有生命危險。
另外更加小心就係佢在你到屋外掉垃圾的時候，用最快的動作跟在你後面，而你又不知道，回家關上門後把他留在屋外，你諗吓小狗咁可愛，肯定無得剩，到時出重酬都未必揾得返，切記呀！

2007-07-28 02:54:50 補充：
其實我養狗養咗有20年，你而家碰到的問題係所有狗BB都有的問題，好平常架，唔駛担心，北京狗都幾聰明，唔会好難教嘅，比D耐性啦。

我覺得你隻狗狗係咁吠可能係搬左新居有D驚同寂莫
其實打左1支針都已經可以落得地比佢做下運動冇咁易病
但地方要清潔要在你的視線內活動
你可以用狗的沖涼粉同佢地沖涼(因為佢地仲未可以用水沖涼)

2007-07-27 14:19:12 補充：
其實你千其唔好信寵物店打齊3支針先比bb落地先頭我隻北京狗仔bb因成日係籠入面先病左獸醫先叫我放佢落地比佢運動下寵物店叫你唔好放佢落地係因為佢地寵物店污髒唔會放狗狗出黎但屋企又點同寵物店呢

我隻狗狗都係2個半月返屋企架,最初醫生都有建議我地唔好放佢落地,但除非你打算响佢打齊針前(大約4個月大)都唔放佢出嚟啦,好似醫生咁講,佢响寵物店都係困籠,所以佢地唔會覺得有問題,但如果你放過佢出嚟玩,佢知道出嚟玩係咁開心既,咁佢梗係唔肯再困籠啦,佢吠你地可能係想叫你地放佢出嚟玩.
但係我地見佢成日都困响個籠度好慘,我地又好想同佢玩,所以我地都冇困籠,我每日最少拖2次地,出街鞋响門口除同著.至於沖涼問題,其實我最初都好似你咁,聽寵物店啲人講,打齊針前唔好同佢沖涼,後來我上網識到一班狗友先知呢個講法係錯架,你諗吓你帶狗狗返屋企前寵物店有冇同狗狗沖過涼呢?如果你見到隻又污(遭)又嗅既狗狗你會唔會買佢?台灣有一個出名既獸醫講過,人bb仔都要打預防針,咁bb仔係咪都要打齊針先可以沖涼呢?寵物店咁同啲客講有部份原因係想你買多支乾洗粉之類既產品,重有就係真係驚你唔識同佢沖涼會凍親佢.其實只要你快手啲唔好凍親佢,步驟正確係絶對可以沖涼架,但就唔建議你帶佢出去沖,因為一般出面既寵物店一日會有很多狗狗出入,而你隻狗狗又未打齊針會容易受感染,你可以搵啲上門既同佢沖涼,我隻狗狗返嚟之後第一次沖涼我都係搵人上門沖,因為我係第一次養狗,所以佢重教埋我同佢点沖同要注意啲乜tim.其次係你隻狗狗咁細,又唔會帶佢落出面街既地下,沖涼次數可以唔使咁密,應該3星期一次都得,但你可以隔幾日用曖水幫佢抺身同腳仔,如果抺完之後你發覺好濕的話,記得用風筒吹番乾,唔係好易有皮膚病架.或者學我咁買啲bb用既濕紙巾(寵物專用既貴幾倍)同佢抺身,咁可以唔使用風筒吹都得,但記得買冇香料既,我就用開莊生嗰隻.
重有落街既問題,我開頭都以為打齊針前唔好帶佢落街,但其實係錯架,佢可以落街但唔好俾佢落地就得既啦,因為你早啲俾佢見識周圍既野,好似其他人啦,狗狗啦,重有係俾佢見吓啲車同聽吓啲車聲,咁佢之後對人都冇咁大介心,亦可減少佢吠既機會.因為少接觸外界既狗狗,一見到陌生人或者什聲就會狂吠,你都唔想你既狗狗會變成咁架係咪,而呢樣野係細細個開始係最好架.
你亦唔需要擔心佢第日唔識去厠所,我隻狗狗返嚟第5日已經學識啦,當然偶然都會有失誤啦,不過呢個情況只係响佢4個月之前發生,之後已經冇晒問題啦,只要你俾少少耐性同時間俾狗狗,佢一定會好快學識架,但你如果打算俾佢瞓籠的話,最好買一個厠所俾佢,因為佢响入邊瞓,又响入邊去厠所唔係咁好,狗狗都會唔鐘意架,因為佢地都係好愛清潔既動物.

我最近都養多隻白威, 最初入屋前都只是打左1針, 本身屋企都有隻2歲幾o既yorkshire, 當初都驚未打齊針就唔好放白威出籠, 但最後都因為白威在籠時經常吠, 可能係因為佢見到yorkshire 在出面走來走去啦, 所以我都冇等佢打齊針就放左佢出籠, 現在都冇點吠過, 所以我覺得都係睇你自己啦, 只要屋企夠清潔, 唔好比佢"lam"你去街D鞋, 大門附近盡量唔好比佢走近(因去街鞋經常都踏到), o甘應該都都ok.
我隻白威都冇點教過就已經識在籠柯大小(應該係佢跟隻yorkshire做). 放心啦放佢出嚟, 同佢玩下, 因相信佢係出生後都好小試過在籠出面玩過(由早困到黑, 好慘架), 再唔係圍一個範圍放個籠係內比佢柯都可以.
--用滅聲器, o甘細就用都係慘, 不過如果真係影響到其他人, o甘可能就要啦, 你都唔想比人投訴啦.
--沖涼, 暫時都係比狗shop沖好D, 因我驚佢凍親, o甘就大問題啦, 仲有好似未打齊針都唔好用水沖住(睇書睇到).