龜龜最近唔係好郁呀..點算

購入幼龜, 要有約7~10日的適應期, 龜兒是慢熱的動物, 最無擔,
又驚青, 佢同你唔熟, 環境又唔熟, 所以會好驚你, 要等佢慢慢
判斷你, 先會信你, 開口食你餵既飼料, 唔o岩味亦會唔食o架o番,
當佢大隻D既時候又絕對係八卦既生物, 同你熟o左, 會嗅你的
氣味, 你要慢慢訓練佢, 教佢, 唔好操之過急。先用買入時的水加
入隔夜水放入飼養箱, 發現水變髒就要換水, 無臭就加的隔夜水,
(水管即出水有重氯氣, 足以殺死龜的所有, 且會令龜有 :
白點病 : 初起於手、腳, 會漫延全身至頭, 有小白點, 海葵狀, 令
痕癢, 整天想用手抓, 嚴重會抓傷眼睛, 及至爛咀或崩咀。
眼 炎 : 眼睛發炎, 眼簾腫脹, 有大水泡, 覆蓋透明的眼膜, 眼簾打不開

幼龜養至6個月至1歲前都要用隔夜水較妥當, 1 歲後可用水管水。
但世事無絕對的, 會有例外。


有病要及時隔離。如不能及時, 全部要進行保健治療。
(有病可先試用龜藥進行治療, 用市售的〈龜精靈〉、〈JBL〉或
〈龜康寶〉都可以, 亦可索性睇獸醫, 醫藥費 $400起)
主人入藥程序 : (持續一星期起)
幼~2歲龜 : 視病況而定, 初起用一滴, 嚴重用二滴。入水稀釋。
2~3歲以上龜 : 視病況而定, 初起用一滴, 嚴重用二滴。入口。
4歲以上龜 : 視病況而定, 初起用一匙, 嚴重用二匙。入口。

餵藥準備 :

1) 龜專用乾淨毛巾 1 條 (能包緊龜兒手腳一圈半為準)
2) 清潔的小毛巾 1 條 (能放穩有藥水的茶匙為準)
3) 不銹鋼小茶匙 2 隻
4) 軟毛 (或廢棄的) 牙刷 1 隻

餵藥技巧 :

先預備倒出龜藥, 放穩, 與一個龜兒也熟悉的人一起, 用毛巾包
住龜兒, 如不能成功包手, 一人用雙手輕捉著它的兩手, 佢會
安靜下來, 重要按撫佢, 叫佢唔使驚, 講野呵下佢, 講食藥咋,
另一人用手拿匙, 一手用刷輕刷龜兒的口, 佢就會毫不留情
o甘張口咬住個刷, 你的手要比它快速閃開, 才不致牙刷被咬,
另一手拿空匙立即放入, 定住佢個口張開先, 佢會好大力抗拒
同掙扎, 你只能忍心的固定住, 而放下牙刷的手可提起藥匙,
倒入, 你一定要固定住空匙, 不能放下空匙, 倒入的藥龜兒可
能含住, 仲未吞落肚, 你可叫同伴試用一隻手捉龜手, 另一手
按龜鼻, 等佢用口吸氣時, 連藥一併吞下, 然後放番佢入水,
等佢飲水。禁就完成整個過程啦, 如果唔成功, 要重做一次。
好似餵人類的BB食葯禁上下既情況。
事後所有用品要徹底清潔及消毒, 茶匙也留給龜兒專用吧。

保健用途 :

可用龜葯一滴, 稀釋於一公升水, 每星期同龜浸一次~24小時。
另一種方法是幼龜可用一滴「稀釋」的按摩用薰衣草油, 每星期一滴。
泡浸24小時, 如於餐後或便後重新換水, 重新再滴。
稀 釋 : 即用基底油 5 ml + 1~2 滴薰衣草純精油。
基底油 : 即指「甜杏仁油」、「杏核油」等。
如用10蚊城的薰衣草油, 不用稀釋。


又可以試下選平或貴的龜糧、乾蝦、活山坑魚、活小河蝦、南極軟殼蝦、麥皮虫、
蜆肉、草猛、UVB紅虫、各類疏菜、生果等進行試餵, 總可以
找出一種它會愛吃的


祝牠早日康服,比心機!

龜龜吃些什麼？
養龜通常是給牠吃 龜飼料，但要補充一些小蝦、小螃蟹、昆蟲、
動物肝臟等富鈣質的食物，同時，青菜、水果、水草等也不可缺少，
這樣才不會營養不良。
夏天時每天要餵食一至三次，冬天為一星期一次，有時候可以不喂，
但數量不可過多，少食多餐。我的龜龜最喜歡吃的是豬肉和蝦，
牠們不是太喜歡吃飼料的。


注意龜龜的清潔
飼養龜龜的水，夏天時天天換水，有時可能要換兩次 ，
因為龜龜在骯髒的時候會不進食、不便溺的；
冬天時最多兩天換一次水，最少一星期一次，因為龜龜在冬眠，沒有胃口。
要注意的是，新的龜水必須貯存過夜，讓水中的化學物及雜質沈澱後才能換。
此外，每隔兩天，要用牙刷將龜龜的身體仔細刷洗乾淨。
這樣，可以保持清潔、防止龜龜生病。

龜龜生病了怎麼辦？
當你發現龜龜殼變軟，或眼睛變紅、腫脹等時，就表示你的龜龜生病了。
這通常是因為營養不良或水溫不恰當引起的，
所以，你可以每天餵牠一點嬰兒吃的維他命液、龜鈣片、浸"龜精靈(龜藥)"，
這些東西可以在水族館買到。
眼睛有毛病時，可以用我們使用的眼藥水滴在牠的眼睛上，牠們就會慢慢康復。

可能佢好累，讓他多休息
or
check 下佢有冇食錯野...