講下養狗的一生及心得

養狗初哥應該對狗隻認識唔多,你可以多點去寵物店睇下,其實你睇到咩唔識,就問下人,問下問下,你就會識好多呢類資料,但識睇唔代表識用,對於狗狗黎講,都係要經驗,最好得行多D去放下狗,通行放得多,就自自然然有一班狗友,大家會交流下心得,亦即係狗經,

至於你隻狗係幾大,一船黎講就真係會睇牙,但係我覺得差都唔會差好遠,而且只要照顧得好,個幾月都冇所謂,打針方便,佢話幫你打左第一針,其實好多寵物店都係包一支針,所以唔洗太介意,因為狗隻出世六個星期內要打第一支,之後每4星期打一支,為期三個多月,但香港只要半年內打齊就得,狗狗換牙一般半年內會換晒,但係亦有D狗有部份牙仔會唔識脫落,而成人牙又出黎時候,就要去E生度幫佢手

係狗既一生最多也只不過是十幾歲,要佢咁老咪辛苦左佢,狗狗頭一年就等於十八最,之後每一年就五歲,如果狗狗有15歲,就係18+5*14,等同88歲人,所以一般狗狗有15歲左右,其實已差唔多係佢地極限

狗狗細個時要陪佢多D,當然大個左都要陪啦,佢地細個時會好勝活潑,係1歲內你一定要教佢做狗既野,因為年齡愈大就愈難教,細個定左,大個會好乖

養狗基本開支其實係時間,有足夠時間陪佢,同埋留意佢多D就得,正餘你講對佢健康好D賣下藥食,係佢地既世界,佢地係好少記得時間,但係佢好記得你對佢做過咩,

仲有要回一下上一個答案,其實狗狗有病真係可以用人既藥俾佢試下,以我朋友做這行話我知,好多藥都係一樣,但份量唔同,所以如果只係小小流鼻水,可以俾1/4粒兒童傷風藥佢地食,但如果未有好轉,可以轉為1/2米,如果還是沒有好轉才去看E生也可以

最好帶佢去獸醫到檢查吓，因為小狗到５個月大就要打瘋狗針同攞狗牌。

我自己有兩隻小狗，１隻西施，另１隻混種狗（有啲似魔天使，不過係金黃色）。平日主要食乾糧加潔齒餅，每個月食１次心絲蟲藥（已包括杜蟲藥），每１至２日用潔齒水，２個星期濕洗１次，第３個星期乾洗，每日都同佢哋玩同傾偈，記得每日都要同佢梳毛（梳毛比沖涼更重要）。

至於絶育，最好仔女都做，為咗佢哋身體好！
希望你同小狗相處得好好哋啦！

係邊度買嫁？其實真係睇牙嫁啊
咁如果狗店呃你咪大獲(即係無打第一針).我諗你呢樣都係問清楚你個獸醫..睇下駛唔駛補針
其實基本就ok嫁啦.....食乾糧會健康d..濕糧就好多內臟...好肥
絕育之後你想佢唔痴肥就難啦..想佢轉返乾糧？難上加難
飲水就ok...唔好比奶佢飲呀....唔岩佢嫁
如果你想佢豐富d咪買小食比佢囉
千其唔好比朱古力佢食啊....毒藥黎嫁>.<
人食既野唔岩佢嫁...唔好見佢眼濕濕好可憐咁就比佢....會養成壞習慣嫁
有d狗主會買d人食既魚油丸比狗狗食..貪品質比較好..其實通常大狗關節唔好先食嫁咋
杜蟲就真係要！
絕育？仔定女先？仔就未必要...女就最好絕育...因為佢m到你好煩嫁.一黎就成個月