你地幫下我，覺得俾條女玩O左。

我識左個女仔快兩年，覺得佢人品好好，佢係我面前對我好好，又好關心我。所以就同佢拍拖，而且放晒D感情同精力係佢身上，但慢慢發覺佢感情好複雜。係我之前有好多男人，而且都上過床。我審問佢時，佢就極力辯駁和解釋。話我誤會佢，唔信佢。而且喊得好慘咁。因爲我都係聽返o黎，又無可能搵當事人對質，所以覺得可能真係誤會，所以就一次一次咁信o左佢。但係上個月我去佢公司接佢，我無話佢知我去接佢，見到佢上o左一個男人既車。我當時打俾佢，佢竟然話開OT。我就忍住無出聲。過o左幾日我再問佢，仲話我親眼睇到，佢先解釋。話人地纏住佢。又怕我知道，所以同個男人去飲野，順便講清楚。唉，你地話我仲信唔信佢呀？