好想生BB

其實你先試左半年, 再試多半年啦! 如果唔bingo先要睇醫生,可以去家計會既生育輔導中心(專科)排期接受一連串既檢查(包括驗精,同你要驗血....)

如果你心急到唔等得,可以試下每日朝早量體溫,如婦人專用terumo日本電子探熱針,內有中文說明書教你點用,同每日mark低體溫數據參考。 萬x,屈xx都有得買,大概$180~$280 (唔肯定)。
再加埋排卵日前後2天用排卵紙/排卵棒測試就更加清楚知道自己邊日會排卵, 咁你同你先生夾定排卵前2日開始隔日行房,增加bingo機會。

我有個朋友都好似你咁既情況，結果佢試左年幾先有孕，所以你現在只係試左半年，唔好太心急吧，話晒你而家係「造人」麻，要俾的耐性啊！同埋呢，你可以試下同你老公去下旅行，短線都得架啦，盡量放鬆心情，有時就係咁先會容易成功架。

如果試咗咁耐都唔得, 你地可以去醫生度檢查, check下會唔會是但一方有問題!