度有得穿耳仔

好多想穿耳洞o既人,一般出市面有穿耳服務o既店鋪都會寫明係「無痛穿耳」,當然哩四個字令人好疑惑,因為穿親耳洞都會痛o架啦! 之不過以我個人經驗得出個結論,所謂無痛穿耳並唔係呃人,只係捉字蚤o者,因為無痛係指穿耳o個一刻唔痛,但係穿完之後就會感到一絲痛楚.(哈哈...)

至於大痛定係小痛都係因人而異o既,好似我本人咁啦,耳珠厚o既,穿耳係特別痛,因為耳環穿過耳仔o既距離比較遠,中間夾層肉厚,而且耳環兩端夾實耳仔,所以都會比較痛.而耳仔薄就大多相反o既,因為耳面同耳背o既肉唔多,穿耳環都相對無咁痛,有d人甚至會麻痺一個鐘左右就唔會再感覺到有痛楚.

另外,亦有好多人穿耳骨位,一般人都認為耳骨位穿耳環會比較痛,都係一個錯誤o既諗法,我個人都穿過耳骨,但係一d都唔痛,我亦都有問過o個位專業穿耳師傅意見,佢同我講穿耳骨會痛o既原因有好幾種,好似(1)個師傅本身就唔識就住耳槍個位打,可能有d偏差唔係直穿入耳,於是就會痛(2)穿耳o個陣唔識打o係骨與骨之間o既空位,耳環直插骨頭一定痛(3)穿耳骨o個陣插o左入附近o既神經線,同樣會覺得特別痛.

穿耳的確係可以戴到好多靚耳環,同時要注意清潔,好似洗完頭要抹乾淨耳仔,仲要滴消毒藥水,同埋盡量要選擇合適o既耳環戴,有d人皮膚敏感,對某d金屬物質欠缺抗敏性,希望上述要點可以幫到你解決所有疑惑啦!

紅磡我就唔知 ,,
藍田就匯景商場 ,,
係匯景商場入面有一間寫住 [無痛穿耳] ,,
佢係專賣飾物既 ,,
係男人看鋪 =]
如果穿完之後有咩發炎或其他問題 ,,
佢會幫你跟進 +
價錢又唔貴 ,, 大約 $30 啦 =]