帶狗落街一問

其實你帶住條狗繩唔好比佢亂走 你日日放佢定係得閒先放?
去D人少車少寵物少既地方放佢啦 等佢知道街外原來都係安全
之後先帶佢去多D人多D狗既地方 唐狗其實平時得把聲 其實幾細膽咖
我屋企有3隻唐狗....係我屋企D狗入面最細膽果3隻黎
初初佢地出街好驚死咖 唔肯行 懶死坐係門口(一隻隻放果陣)
最後我要3隻唐狗一齊放佢地先肯行下 一個人拖3隻唐狗幾金咖= =
不過唐狗其實真係好乖咖 帶佢地出多D街 膽都大D啦
而家同佢地出去佢地好跟我 除左有車行果陣佢地重有D驚
而家乜鬼都唔驚啦
同埋你記得放狗還放狗 行行下就摸下佢地 當比粒定心丸佢地
D狗狗會安心D咖 我之前一見佢地驚我就摸佢地攬佢地同佢地講唔使驚主人就係隔離

我隻唐狗細細個執佢番黎果時落街都係好鬼驚青，d路人甲係佢隔離行過佢都會好驚，初頭買頸帶俾佢用時，仲試過一次甩左頸帶走鬼左去添，後尾轉用胸帶連拖繩就冇咁容易走狗。
要令狗狗覺得街係安全既地方，最緊要係做主人既你要時刻鼓勵同安慰佢，當佢受驚時你就去摸摸佢個頭，話俾佢知無事，可以攞定一d小食逗佢開心，安慰佢時可以俾小小佢食，分散佢注意力。
初初最好帶佢去一d少人騷擾既地方，等佢慢慢習慣左去街之後先至帶佢去多d人既地方，如果選用一款可以放得好長既拖帶，可以培養佢大膽d去遠d玩，但係又唔駛驚佢會周圍衝不受控制。
宜家我隻唐狗已經習慣左去街，唔再驚d途人同車，仲識得自己返屋企，俾多d時間狗狗去適應啦，好快你果隻狗狗就會唔再驚去街架啦!努力呀!
可參考以下的網頁:
http://www.pet28.com/profile.asp?id=21679