我...是否同性戀? {1}

我係一個13歲既女仔
但係無論內外都好似男仔
近排同R(女仔)玩得好埋.
一開始都冇乜野, 係F2開始就熟絡
之前一段時間都係兄弟相稱.
而個陣我其實係對另一個女仔有好感.
所以都冇乜話太著緊R.
但係到左2個月前
咁岩R生日, 我地就一齊去左唱K
見到佢個陣呢, 突然間有一種好奇怪既感覺
好似突然觸電咁
個日我地又約埋一個R鐘意既男仔去唱
而個男仔都鐘意R既.
跟住一路唱
有人話玩Ture Or Dare.
轉中R. 咁就有人叫R同佢鐘意個個Kiss....
唔知點解個陣個心好似比野{吉}咁樣...
由個日開始, 就成日都想見到佢, 同佢傾計.
仲因為成日同R一齊而同之前有好感個個女仔嘈大交.
好多時會驚做左d野令佢唔鐘意. 驚佢避我.
所以係佢面前個陣做好多野都好唔自然.
我地之間既對話開始愈黎愈小.
我更加發覺其實自己好care佢點睇我, 同埋我地之間既關係.