倉鼠打交問題

A.倉鼠本身就係獨居動物,如果唔係人將佢當寵物,將佢地困埋一齊,在自然界佢地係唔會一齊住的,到發情期先會一齊一陣,但都唔係一齊長住

一男一女,兩隻男or女,兄弟or姊妹,姊弟or兄妹,我細個時都試過晒,都試過坊間及鼠店講話唔打交既方法,結果多數都係打死,唔死都傷
你都可以參考返其他知識,今早我先見過一條問題,一男一女一齊住,隻男既打到流晒血,眼都合唔埋

B.新舊既鼠想放埋一齊係更加大問題,舊既鼠應該比新買既年紀大吧?大幾日都算大了,因為鼠鼠壽命短呢
一大一細既鼠,大既多數會打細,加上佢俾你養佢已有一段時間,佢會覺得呢度係屬於佢,所以你放隻新鼠落去,佢會因霸地盆心態而打對方,除非你買既新鼠好惡,如果唔係,真係好易有意外

鼠鼠年幼時一齊住好多都冇問題,令人有錯覺係可以相處,日子耐左,打得唔嚴重,好多人就會講成佢地只係玩,但鼠鼠唔係好戰既,唔會玩到對方受傷
我之前買左隻大肚既鼠返唻,佢生左4隻b,未戒奶都已經打生打死了,打到其中一隻耳仔冇左一部份呢

C.唔知你係想兩隻一齊繁殖定係同性別既,但希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-07-25 20:26:15 補充：
唔同品種既話,比我之前所講既困難更加難勉強放埋一齊,真係好大機會係大既打死打傷隻細

你可以把佢地分開。。。。★☆

你個隻倉鼠係咪2隻男
如係就常見架啦
你最好係買多個“龍”
比佢地適應下環境先
再擺起佢地一齊,,,,,,
睇下佢地再有冇打交

如係1男1女
可能個男想同女交配
而女唔肯
所以男就……
總之倉鼠本身喜歡獨立
所以你最好分開佢地
如果唔係就後果嚴重
我以前養左1男1女,但後尾女死左,可能都係同一個原因
新手努力養吧!!!

首先..我想知你養個2隻倉鼠係咪1男1女呢??
如果係1男1女而又係1齊買~正常係唔會打架ga,,

如果你2隻都係男仔/女仔就打架ga喇!|!
要分開養ga..不過你可以試下將佢地放埋1齊..過左1陣仲打唔打??
如果點放佢地1齊都打架咁你就1定要分開養喇!|!

你可以先比佢地認識吓對方(有時一齊出黎玩)，不過要分開一排時間先。耐左睇吓可唔可以擺埋一齊。