壁屋問題!!!

✔ 最佳答案

佢入得荔枝角, 如果真係去壁屋, 就會係去壁屋監獄. 但以8個月刑期, 佢會係 “Cat.C” 犯人, 其實亦有可能去東頭懲教所.

被定罪的犯人嘅探期, 係每個月兩次, 每次半個鐘. 但犯人可經監頭簿申請每月加多兩次探訪, 即共4次. 通常都批. 但你只係佢女朋友, 唔算親属, 所以記得叫佢申請加你個名在探訪名單上, 否則你探唔到.

你每個月可入大tempo紙巾 10包裝1條; 祝君早安毛巾2條; 6本雜誌, AAA / AA電8粒, A4纸一本. 亦可在犯人申請後入錢俾佢經福利官買收音機同電鬚刨. 監獄出面d士多仔有齊可入俾佢嘅野賣.

監獄內寄俾犯人既信件, 全部都會被懲教署職員拆開檢查. 在確定封信無違禁物後, 個信封會被職員收起, 唔會俾個犯人. 只係會俾封信佢. 原因係怕有人將毒品收藏在個郵票同信封之間. 如果個犯人想要番個信封, 就要提出合理理由, 例如: 想要番個回郵地址, 向獄方申請攞番. 就算申請成功, 個郵票都會被撕走.
寄信俾犯人要注意以下要點:
(1) 一定要在信封面及每一頁信寫上犯人的編號. 監獄咁多人, 同名同姓嘅人大把. 所以唔寫名都唔緊要, 但唔寫編號嘅信個犯人係收唔到嘅. 而且因為無左個信封, 所以要在每一頁信寫上犯人的編號, 以防撈亂左可以揾得番.
(2) 唔係一定要白色信封 / 信紙. 但信封 / 信紙上千祈唔好貼上任何貼紙. 否則封信會一個個窿, 因為d貼紙會全部被剪去(理由同上).
(3) 信封内除左信紙唔可以附有任何物件, 例如: 錢, 郵票, 回郵信封, 食物, 書簽, 咭片等等. 否則個犯人會被叫去收押室(俗稱: "指模房"), 職員會在佢面前將封信存入佢份私人物件(俗稱: "包頭")內, 到佢出獄先交還佢.

壁屋監獄資料
地址 : 新界西貢清水灣道397號
查詢電話: 2623 1600
犯人類別: 首次犯罪的男性成年犯人
探訪時間:
每日(星期一及星期三除外) - 由上午九時至下午五時
星期一及星期三(非公衆假期) - 上午九時至下午一時
星期一及星期三(公衆假期) - 上午九時至下午五時
探訪人士須於探訪時間完結前半小時登記及必須出示身份證明文件
如何前往:

1.

乘坐九巴91、91M 或92號 (由鑽石山開出）

2.

乘坐1A 或11 號專線小巴（由牛池灣商場開出, 鄰近彩虹地鐵站）

3.

乘坐104 號專線小巴（途經牛頭角地鐵站

回答 (2)