倉鼠有死胎問題

A.你隻鼠生完一星期,應該生完bb了,鼠鼠雖然會分開幾次生bb,但一般幾小時就會再生下一胎,就算佢肚仲係好,大都唔代表仲有bb在內,如果仲有bb在內,理應之前已經難產

B.鼠鼠去咬bb最大既幫忙就係唔好理佢,唔係令鼠媽媽緊張既話,連其他4隻都有危險.

C.鼠鼠生左bb之後要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

D.食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

E.另外,繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-07-25 20:05:43 補充：
你係指食胎盤?一舊血淋淋既野?正常唻講,生完晒bb之後,先會生胎盤出唻食返,如果幾日之後先食緊,可能係佢之前冇食?定係根本唔係胎盤?會唔會係鼠bb既屍體呢?你話佢pat pat位好脹,咁下體有冇出血呢?生過bb既鼠,好易有子宮既毛病,可能會出血,甚至有腫瘤,在體內既腫瘤初時唔係咁易會察覺到,到後期出血就太遲了而家係咪仲有鼠bb未死?最好等鼠bb戒奶後,帶佢去睇醫生睇睇

2007-07-25 20:05:52 補充：
都仲有個可能性,就係假懷孕,會好似有bb在肚,但其實只係假象,一般十多日唔見佢生bb先會知道係假,連醫生都check唔到既(除非開刀睇個肚)但你話佢好似好辛苦咁,所以似有病多d,其實佢有咩做左出唻令你覺得佢係辛苦呢?