買樓做按揭，抑或一次過付款後，再做私人貸款好?

一次過付款後再做私人貸款肯定係最唔化算的, 因為你攞現契去銀行借錢, 屬re-finance, 利息係會俾一般普通按揭高啲, 就算唔係攞契去做按揭,而做私人貸款, 利息就更加高, 因為係屬無抵押貸款.咁你用錢黎投資, 成本就高咗,亦都唔化算.
你的情況,我建議你做存款掛勾的按揭貸款, 即係你照做七成按揭, 俾三成首期, 但你有權在同一銀行的儲蓄戶口存款, 其中相當於七成貸款額的一半可以收取貸款一樣的利率.即係你買一百萬元的樓, 俾30萬首期, 借70萬按揭貸款,利率係4.8%, 但你最多可以喺儲蓄戶口存款35萬係收4.8%的存款利息, 咁你就可以有70萬元現金買股票或基金, 但當你唔係買晒嗰70萬元,而係買其中的一部份錢, 又或者你買咗股票, 唔知幾時賺咗錢賣番出去, 得到的錢就可以存番喺儲蓄戶口度, 其中有35萬收番4.8%的利息, 即係無形中你有35萬的按揭貸款唔使俾息嘞. 到第時你又想買股票或基金, 你又可以用番嗰35萬元。我覺得呢個方式最適合你用, 因為夠晒靈活, 照我所知, 渣打銀行的mortgage one, 交通銀行同埋恒生銀行都有呢種貸款, 你可以去問吓.

我會建議你用50萬做首期，餘數同銀行借貸。
假設借50萬，利率是P-3%，P是8.75%，供款年期是20年，每月供款是$3,510.40。一方面供款較為輕鬆，另一方面，你便有足夠的錢，作為投資或應付突發的開支。