你會和同性戀者做朋友嗎?

做朋友可以, 但要比佢知道自己立長, 因佢可能會控制唔到咁中意你, 但你比佢知道你唔想佢迫的唔到, 我都有同性戀fb, 但佢地好尊重我意願, 但要人尊重你一定要堅持, 唔好時左時右, 而你自己都好易懷疑自己係唔係, 因你唔反對就好易接受, 你一接受好易認同, 你一認同好易至身其中, 我都試過呢個期間, 但自己要堅持才可過度, 但過左之後我地都可以做好朋友, 有時佢地諗的事比我們直接, 有些這樣的朋友也不錯

Y can't you guy be friends?? I dun see the problem at all but u could try showing him that u are not gay.. maybe just bring your gf out to let him know that you like girl, i mean directly saying it to him will hurt his feeling so u might as well just show him that u like girls...

1.同佢事先聲明只係做朋友。
2.佢有誠意就同佢做朋友囉。
3.講明自己唔係,叫佢唔好亂諗野。
4.唔係既,叫佢以後唔好再係咁。

回答你問題之前
想問一問你既性別
因為我相信女同男對同性戀既睇法點都有d影響
其實我覺得女仔會比較多d人會肯去接受同性戀
會覺得做fd冇問題
男既就可能會少d
本人都係同性戀
所以睇法唔知岩唔岩你聽
但我身邊既朋友都冇介意我既性向
我覺得朋友既野係講心 同性戀都係一個人姐
只要佢係拎個心同你做朋友 我覺得係冇問題

答番你既問題
1. 只想和同性戀者 單純做朋友 ,但又怕他對我 我應該怎麼辦?
其實你會唔會諗多左呢
做朋友 應該唔會無啦啦又對你有幻想既 假如你真係同佢係朋友
就應該做番朋友既野 對佢同其他人一樣咁睇
唔好幫佢掛住一個"同性戀"既形象
若果有一日佢真係突然同你表白
而你又接受唔倒 其實你到時可以同佢表明你既性向
之後大家維持番好朋友 但一日仲係佢朋友 你就唔係好應該顧累咁多

2. 他對我說 他好有誠意 做朋友 可以嗎? 我應該怎麼辦?
我覺得既然佢真係咁有誠意去同你做朋友
點解唔可以嘗試下呢
朋友又唔係叫你同佢起埋一齊 只要你肯嘗試下
用心去同佢做朋友 平常心就可以
話唔定 你同佢會比其他朋友更fd
至少佢有個份心意

3. 我不想說穿他是同性戀者, 而我不是... 想法是錯嗎? 我應該怎麼辦?
其實無啦啦做咩要提起性向既問題呢
做朋友唔係應該唔好介意咁多呢
更何況性向既野 冇得迫 亦都係佢個人既一d野
我覺得你說穿佢係同性戀
對佢黎講 可能會傷害左佢
佢可能真係想拎個心同你做好朋友
覺得你好 欣賞你
但若果佢知道你係因為介意佢既性向而唔同佢做朋友
我覺得佢會好唔開心
因為即使係我 如果有個人 又一係係我既好好朋友
知道我既性向而介意同我做朋友
老實講 打擊都幾大下
為何你不能放下佢係"同性戀"呢個角色 視佢同你身邊既朋友一樣呢?

4. 假如 他曾經對我 做出令我反感的行為 ,令我反感,同佢絕交 ,是最好的做法嗎?
曾經既事係好耐好耐了嗎
如果係既話 就由佢過去啦
佢可能都改變左
如果係冇耐既事
我覺得你可以睇下佢仲會唔會做出令你反感既事
如果有既話 你可以同佢講
表明佢知咁樣你會覺得唔自然唔舒服 反感
因為其實你唔講佢知 可能佢根本就唔覺呢
因為有時候 有d人 就算唔係同性戀
都可能會對身邊既人做出好多親切既行為
而呢d行為 其實有可能係其他人接受唔倒
係唔同人對朋友既表現黎
我覺得因為呢d小事 而絕交既話
其實好可惜
如果因為咁 又唔講清楚自己既心意 冇朋友做
可能你就係咁 失去左一個知心既朋友 又一係知己 明白嗎?
唔好太衝動 如果唔係 你可能第時會後悔
希望我可以幫倒你吧

我唔係les, 只要傾得埋就會做朋友, 唔會理佢地ge性取向 !! 當然, 相處落如發現佢對我有d嘢, 我會坦白同佢講我喜歡異性lor !!
1. 米傻, 就算異性都有機會對任何人有性幻想啦, 呢d控制唔到, 唔通同所有人唔來往咩.
2. 做朋友無問題呀.
3. 無需刻意講呢d嘢ge, 但唔覺意講開咪討論下lor, no big deal !!
4. 少少事就話絕交, 做朋友唔係咁! 你應該話佢知你ge不滿, 講完都無改善至考慮絕交啦.

p.s. 如你真係好抗拒同d同性恋ge人做朋友, 咪唔好做lor, 呢個世界好自由, 最緊要自己覺得舒服!!!

我覺得同性戀者做單純的朋友是可以的ar，做朋友和他的性向沒關係ba。而相處的方法，既是朋友，自然就用朋友間的相處之道ar...

1. 只想和同性戀者 單純做朋友 ,但又怕他對我有幻想 我應該怎麼辦?
咁...你同異性朋友點相處，咪同他咁相處lor。你都會有異性朋友，單純的異性朋友ga， 他們也可能對你有幻想ga，一樣道理的ar~ 你咪唔好比他們有幻想空間ar，只要不做超過自己本分的事，即朋友可做的事，他們點會有幻想wor....你對人有幻想，都會是因對方對你有d特別ar! 更何況是同性戀者，通常不是都不會說出來怕冇朋友做的ma??你別做些令他誤會的事，不就行了。

2. 他對我說 他好有誠意 做朋友 可以嗎? 我應該怎麼辦?
他咁有誠意，咪說好lor，除非你唔想識多朋友，亦覺得不能同他成為朋友ar~~如果你真係咁介意他的性向，不能放下成見的話，你們跟本做唔成朋友的ar!!

3. 我不想說穿他是同性戀者, 而我不是... 想法是錯嗎? 我應該怎麼辦?
咁冇錯ar個想法‥‥你都是唔想傷害他ba，唔想令他embarrass，冇所謂ar，就別說好了，反正這和做朋友是沒關係的。

4. 假如 他曾經對我 做出令我反感的行為 ,令我反感,同佢絕交 ,是最好的做法嗎?
我覺得應和他說清楚你的感受ar，話他知你唔喜歡ar，叫他別再做ar，再不改善的話就絕交ar。坦白地說清楚，連同後果也一齊說埋，等他知道你是serious ar

總知，做唔做朋友，還是要睇你能否唔介意他的性向，如果做朋友不能坦蕩蕩的，也就沒意思ba!!

我唔係同性戀者, 但我有好幾個lee d 朋友
1. 只想和同性戀者 單純做朋友 ,但又怕他對我有幻想 我應該怎麼辦?
同性戀者都係人, 佢地同普通人冇唔同, 一樣要朋友, 你唔可以令其他人唔對你有任何幻想,
如果佢地有d 過左火, 你可以同佢地講明你地係冇可能.

2. 他對我說 他好有誠意 做朋友 可以嗎? 我應該怎麼辦?
應該, 再一次, 同性戀都係要有朋友, 你應該同佢表明你唔係同性戀, 再同佢做朋友

3. 我不想說穿他是同性戀者, 而我不是... 想法是錯嗎? 我應該怎麼辦?
冇錯,若要人不知,除非己莫為. 但係如果佢好介意人地咁叫佢, 你可以同佢單對單咁傾下lee個問題.

4. 假如 他曾經對我 做出令我反感的行為 ,令我反感,同佢絕交 ,是最好的做法嗎?
做朋友係一種緣份, 如果因為小小ge 野而冇左一段感性, 係好唔值得. 但係如果真係好過火(好似真係性騷擾你) 咁lee 一種朋友就要唔要都吧就la.

其實只要坦白跟他說你是喜歡異性的就可以了,
4. 其實也不必與他絕交,只要跟他說清楚自己的感受就可了。