白咖喱豬扒飯

【白咖喱雞扒飯】二人份

【惹味雞扒】

其實係自由發揮的醃法，我都唔記得自己淋o的o的乜野上去咯 ... 應該有 2 茶匙糖、2 茶匙鹽、2 茶匙清酒 (用米酒/紹酒亦可)、黑椒碎、陳師傅自製辣椒醬、泰國買回來的香茅粉 (可用新鮮香茅半枝切茸) ...

既然醃料都咁「隨意」，咁用其他肉類就梗係得喇 ！

最緊要醃得夠耐。今次我醃左三個鐘，大家喜歡的話，查實可以預先一晚醃定！

如果屋企有焗爐，肉類用焗o既方法比煎o既好 ~ 一來可以利用烤焗o既時間做其他野 (e.g. 煮白咖喱) 二來可以香口o的、兼且逼晒o的油出來冇咁肥！



Step 1：醃肉 --- 我覺得攤平o的肉可以醃得平均o的，所以攞左個焗盤o黎醃肉用！



Step 2：煎封 --- 臨入焗爐前，先用平底鑊大火煎封兩面 (每面約煎 2 分鐘) 可以鎖住肉汁，焗完都唔會乾！



Step 3：烤焗 --- 焗爐預熱至 200 度，放入後調較至 180 度，焗約 20-25 分鐘 (視乎肉類的大小厚薄而定) 最後 5 分鐘轉上火 200 度焗香層皮





【白咖喱汁材料】

乾葱 2 個切茸

椰漿 200 毫升 (如煮一餐，買罐細裝的 175ml 都 ok 呀！)

清雞湯 330 毫升 (again，多點少點也沒相干。濃淡度可以加水調控呀！)

白咖喱粉 3-4 湯匙 (我最初落左 3 湯匙， 差唔多煮好時想香o的，再另加 1 湯匙。大家可自行調節)

南薑 半舊

香茅 半支

檸檬葉 6 塊

生粉水 (生粉 2 湯匙 + 2 湯匙水拌勻)

淮鹽/ 鹽 適量 (調味用)



【下圖】白咖喱材料一覽。南薑、香茅和檸檬葉是在街市的泰國小店買的，老闆娘好好人呀！我話煮一餐o乍，佢真係肯賣咁少畀我喎 ~ 南薑+香茅 + 檸檬葉=$4.50 而已！(vanlily：你下次買青檸，去呢o的舖頭仔買丫，$5 三個呀！)



【白咖喱汁做法】



Step 1：南薑切片拍扁、香茅切段拍扁、檸檬葉切細塊。在小鍋中放入清雞湯 330ml 及以上材料，煲 10 分鐘。用篩子隔渣備用



Step 2：平底鑊加 1 湯匙油，炒香乾葱茸，再加入 3 湯匙白咖喱粉，炒至香氣四溢



Step 3：加入 Step 1 的香料雞湯，煮滾



Step 4：加入椰漿拌勻，煲滾 (加椰漿後唔好煲太耐，否則椰漿會出油 )



Step 5：辣人如我，會o係呢個時候加入辣椒粉 (我再另加白咖喱粉 1 湯匙和淮鹽少許吊味)。最後，加入生粉水拌勻至杰杰地，就可以熄火上桌。



同場加映：今餐食咖喱，仲要狂加辣椒粉o既，梗係要食個「果后」山竹降下火喇 呢期街市賣緊 $15 三磅，好抵！

Me 識整沙爹王果度ｏ既白咖喱豬扒飯
Me 知道點煮