✔ 最佳答案
曉射勁波嘅人最大煩惱係撳個波,唔係撳唔低就撳死咗。
射勁波要靠大腿同小腿肌肉嘅爆炸力(同肌肉內fast fibre有關)同埋協調性,呢個係最基本。射波助跑唔好左搖右擺 (有啲人助跑如撑艇,可能慣咗短跑起步),射勁波幾時都係沈腰、拉盡弓,腳背面「銀」埋去。
踢波時隻支持腳盡量係波嘅隔籬,無論高波低波、射門、傳波同解圍都冇分別。你炒唔炒高係睇你踢波隻腳為主。
射波要用正腳背,鞋帶結低少少個位「銀」埋去,高中低波嘅分別就係腳背觸球時腳背同波嘅角度:
若果係咁:- O╲(直線代表隻腳,圖圈代表波) ,就射地波;咁: O│ ,就射中腰波; 咁: O/,就射高波。注意個角度冇圖示咁誇張,但觸球點一定要正腳背,因為嗰度有舊骨,最硬。仲有,「銀」個波中間。
無論射高中低波嘅姿勢都一樣,助跑、沈腰、拉弓同腳背「銀」。差別係腳背角度,嗰種係種微妙嘅感覺,練得多就領會到。