點先可以成熟d諗野

其實男仔通常都係諗野比女仔單純小小，如果冇一定既經驗好難會諗野成熟，我身邊識好多男仔都成30歲諗野仲好細路。
答返你問題先，其實係果D唔係叫鐘意只係叫好感，講真如果你識人幾日就話鐘意人我係女仔都驚啦，其實你明唔明咩叫愛架?愛同鐘意係兩回事，愛係要負責任，鐘意只不過當時一下子既好感，講真拍拖係為左結婚之前既準備令大家認識大家，而唔係話身邊人有拖拍就自己想拍，[本人都係23歲先第一次拍拖]其實你每次想同人拍拖果陣係咩心態，呢樣野要好清楚，如果係因為人有我有既心態咁一定好快冇一定KEEP唔耐，如果你真係遇到自己喜歡既女仔，你其實可以相處耐D先呀~~~睇清楚自己既感覺係咪真係[愛]，同埋同果位女仔相處耐小小，睇下係咪適合自己，千祈唔好識幾日就話鐘意人，女仔好唔鐘意呢D人，如果你真係愛佢既話咪用多小小時間相處囉，如果呢個人係同到你一世既話，你用多半年一年時間睇清楚相唔相處到都係有賺架。

其實你可以諗清楚自己點解需要拍拖
係因為身邊的人都有拖拍?
定係為左拍拖而拍拖?
同埋你可以同自己講
拍拖唔係生活必需的,
仲有好多其他的感情,例如親情,友情
另外
當你認為自己鍾意一個人
你可以試下問自己"點解我會鍾意佢?因為佢靚?因為佢好?"

想清楚你自己對戀愛、拍拖的定義後
再慢慢識女仔都唔遲