北京邊間酒店又平又交通方便

3年前我去北京時，就係住如家快捷酒店的前門店。

所以而家推薦俾你，呢間酒店好乾淨、舒服、價格適中。

地點又好，離地鐵站又近、10分鐘路程，而且由酒店行出前門大街，就有好多巴士搭，去頤和園、天壇、天安門、長城(到得勝門再轉車)、王府井等地都有巴士，非常方便，而且食店又多，有一間係食開封灌湯包(類似小籠包)、有一間就食北京式的燒賣(听講個招牌係乾隆親提的)，仲有一間係食片皮鴨的，一鴨3食都唔過100元(3年前的價格)同全聚德都係過百年的老店，只係名氣無甘大，我比較過，大家的味道一樣，又可必花多d錢去食名氣呢！呢三間食名都係過百年的老店，一定要食呀！

不過呢間酒店有一個少少唔好的地方，就如果係第一次去，會可能好難搵，雖然話係在前門大街，但不是正正在前門大街上，而係在前門大街斫後平行的一條巷度，其實，無論你係坐的車或地鐵，在進入前門大街後，一路向前行，直到見到在右邊的一間單車店，單車店旁邊會有一條小巷，你由小巷再進入，甘就會見到呢間酒店喇，3年前，我地個朋友唔知道，行左入「大柵欄」購物街，結果前前後後用左接近2小時先找到酒店呀。如果你到時都找唔到，可以打電話到酒店問，或者你企定一個地方，請距地出黎接你都得架！

另外，前一陣時間，前門大街為迎接奧運，進行修葺，唔知整好未呢？如果未，出入時可能沙塵會大d。

價錢方面︰係189至227左右，189元的房半地下室，濕氣會重少少，不防住227的房啦！最好提前訂房呀！電話︰010 - 63173366 / 010 - 63188193

漢華酒店,,我果陣都住果到..
交通好方便...又平..4星到啦..