想養葵花類鸚鵡

嘩好多問題....
養雀仔係要每日都清潔佢個籠,咁唔知對你來講算唔算麻煩,而且所有雀仔食野時都鍾意fing些食物fing到周圍都係架,咁即係除左清潔個籠仲要清潔個籠周圍既地方.
鸚鵡係幾貴架,閒閒地都要幾千元,而且佢地會認人,你養得佢要養佢一世,唔好半途而棄,如果唔係隻雀可能會自殘,會害左隻鸚鵡架.
所有鸚鵡都可以係籠養,但要每日都放佢地出來伸展下,而且個籠一定要有得畀隻鸚鵡活動既地方,所以大型鸚鵡都要用大既籠.
養鸚鵡係會比養一般雀仔貴,佢地食物方面最好用合成糧(大約一百元),呢d合成糧營養好d但就比較貴d,而且要買新鮮蔬果畀佢每日食架補充營養,有病要去睇獸醫,幾百元一次,要買玩具畀佢係冇人同佢玩時,等佢自己消磨時間.
鸚鵡係一種要陪佢玩既雀仔,每日都要抽時間同佢玩聯絡下感情,你講既葵花會大叫呢d係佢本性,你要有接受佢大叫既準備,同小心畀隔離鄰舍投訴.
你嗰個13歲細路女我唔知佢有冇咁既耐性養一隻幾十年生命既鸚鵡,會唔會考慮細隻些既鸚鵡呢,好似愛情鳥,雞尾,彩鳳等..呢幾類都係鸚鵡科而且佢地只有十年到既生命,都可以上手玩,少少玩具又冇咁大聲叫,有d都會學講野.細隻d野都食少d啦,所以係會平些既.
葵花會有鸚鵡粉架好似爽生粉咁,如果家人有呼吸問題既,都要考慮.
如果都冇問題既,可去雀街,灣仔鸚鵡店,金魚街鸚鵡店等,呢d地方都可以架.

2007-07-31 13:18:10 補充：
d雀仔其實都最好喺籠養,佢有安全感d,每日比些時間放佢出鸚鵡架同佢玩就得,但要注意安全,d鸚鵡放左出來唔識死架,又鍾意搞破壞,要有人睇住先可以放出來.雞尾都係幾十元,但唔識講野喎,不過會唱歌跳舞,好攪笑架.雀仔連食物玩具,全部雀仔街有架喇,食物唔貴,玩具就有貴有平,睇你買邊種啫,自己整都得架.打理同照顧方面都同一般小雀仔一樣咁啦,但最緊要係比些時間陪隻鸚鵡,等佢同你親近多些,上手同佢玩都易些架.坊間有些鸚鵡網,你都可以上去人地個討論區,參考下其他人養鸚鵡既經驗.如: http://www.parrot.org.hk/ipb/index.php?showforum=2

養雞尾比較易打理,我覺得買BB會好D，雖然較難打理，但係由細養到唔會太惡，如果買
成鳥會好惡，會咬人，比佢咬親會好痛，我屋企隻雞尾買返黎到而家都好惡＝　＝”
我隻雞尾係旺角雀仔街買，買左＄９０。


養大隻既鸚鵡好貴，起碼幾千蚊，你可以將佢放係籠裏面，但係個籠最好大D。

2007-07-30 14:51:57 補充：
其實我自己都係13歲開始養鸚鵡,不過係養雞尾同情侶這兩種鸚鵡,因為比較容易打理,而且價錢便宜(食糧都係$20以下),但係小型鸚鵡通常都唔識講野。小型鸚鵡一定容易打理過大型鸚鵡。