讀神學要具備D咩資格架???

神學同哲學係2個完全唔同的科目:

讀d咩?
哲學: 1.首先會讀d中外不同哲學家的理論, 孔子孟子蘇格拉底柏拉圖...等不同的哲學理論, 2.另外, 哲學講邏輯, 講推論, 及表達, 所以亦會讀下「語理分析」,指出平日語理上有咩謬誤, 3.同埋要分析及研究所有關於「思想」的題目, 例如「人生的意義」、「人怎樣面對死亡」、「究竟我否存在?」等等, 所有關於思想的東西問題都會涉及

神學: 最基本一定會鑽研聖經, 讀教會的歷史, 教會中不同教派的分別及重點, 教會管理, 輔導, 講道, 同埋畢業前要到教會或其他基督教機構實習。一般要全職4年時間完成(連實習)


讀完出路
哲學: 可做任何工作, 沒有特定規限, 有朋友讀完哲學去教書, 做文職, 做sales...

神學: 做教會傳道人

咩人讀得?
哲學: 普通大學的收生資格, 中大及嶺大都有得讀, but建議你讀之前借返2-3本哲學書看咗, 睇下哲學讀咩先, 唔係會讀得好辛苦, 鍾意讀就好happy, 唔係就係痛苦到要死, 因為要睇好多文章。
神學: 有好多地方都有, 好似浸會神學院, 中華基督教神學院, 建道神學院, 我就知每一闁focus 的重點都唔同, 最好同你的牧師傾傾, 同埋讀神學好似要好大決心同心智, 一心於教會工作先好讀, 仲要得到教會及傳導人等支持, 因為4年full time, 唔係人人讀得起, 讀神學係好刻苦的事, 都係嗰句, 諗清楚先好讀。

2007-07-24 18:22:19 補充：
呀~~~仲有~哲學同神學都要interview

2007-07-27 14:37:41 補充：
你係咪替讀大學學位先?定係一個個course (dip, or short course)?以我所知, 大學就一定要讀英文, 睇下d文咁law, 但係好多時上堂呀sir都係用中文教, 都ok 既, 但係如果係d 短期課程, 就可以用中文答, 我都讀過神學短course, 係全中文既。至於interview, if你in 哲學, 最好先看1-2本哲學書, 講到點解鐘意哲學, 同埋要個人好鍾意思考問題, 及有邏輯。而神學interview我就唔知, 因為short course唔駛in的, 你if讀degree最好同相熟傳道人傾下先諗讀唔讀會好d, 因為讀神學呢個係重大決定。

2007-07-30 16:54:45 補充：
呀~~我支持你呀!!!! 100% support!!!我話要serious係之前諗緊讀4年的神學學位, 因為一讀就要full time 4 年, 冇part time冇收入, 又要俾幾萬一年, 所以先叫你考慮清楚, 但係如果唔係讀神學學位, 咁就唔駛顧慮咁多, 你可以當興趣咁去讀, 有好多機構都有搞神學課程, 例如ymca , 那裡有好多短期的證書課程, 一來可以按自己的興趣, 一科科咁讀, 又可以認識多d, 同埋唔係好貴, 幾百至一千蚊到讀一科, 可以逐科選來讀, 到真係有興趣再讀學位都唔遲。我都讀過ymca的神學科, 幾好ga^_^