倉鼠生ｂｂ問題

其實好正常的*講真句..佢地依家唔打
唔=等時唔會打的!!*
佢地細個好多時都中意係咁*,,

點解你想佢地生bb呢?
其實你有冇諗過之後既野*,,
你有冇足夠時間理佢地??有冇足夠經濟能力養..
夠唔夠地方等等*..你真係要諗清楚先好牙!!*
到時真係比佢地生左bb出黎*..d bb大哂..唔通又再
等佢地生過???到時就會愈黎愈多架喇!!*,,

假如你真係一早已經諗過*..都得既,,
第1佢地一定要係一男一女喇*-3-"..
2.鼠鼠要夠２個月大先會有生殖能力!!*
3.假如女鼠真係一路都冇bb既..其實你可以試下留意下
當女鼠想交配既時間佢條尾仔會翹起黎架*,,同埋會叫...
男鼠[文]到女鼠個petpet陣味..就自然會進行交配架喇!!*=]

A.其實想繁殖鼠鼠應該要考慮多個問題先好咁做,唔係你睇佢地會一齊訓,冇打交就可以生bb既
繁殖鼠係好易,就算你話想有100隻鼠b都非難事,但要諗既係對本身既鼠有冇害(生bb十分傷身),都要考慮日後係咪可以照顧到咁多bb,同埋可唔可能處理到bb成長時既困難

我之前有兩隻鼠,冇打交,成日一齊訓一齊食,搶食都冇,最後佢地就係打死晒,仲死得好恐怖

好多時鼠鼠年幼未會打交,但慢慢長大後,就好易有打交既情況,多數有打交但冇傷大家都會話佢地玩下,但咁其實係好危險的

不過你兩隻鼠有搶食,雖未打交,但都要留意,可能好快會打交,因佢地已有爭執

B.希望你想繁殖鼠鼠之前,考慮一下以下幾點先
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

若你真係堅持,開始回答你既問題吧

C.兩隻鼠若冇打交,到發情期自自然然就會交配
鼠鼠既發現期,大約係一個月中,當中,4-5日,期間既4-12小時
女鼠發情期係會背向天,身體較扁平,尾向天,有時你用人手摸佢背,佢都會擺出呢個準備交配既姿勢.
男鼠發情期睪丸會漲大,會去聞女鼠既尾部,如果見到女鼠準備交配,就會爬上女鼠背部,再進行交配.

D.懷孕或懷疑懷孕要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

E.食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

倉鼠生ｂｂ問題
我有２隻鼠．．２隻成日會「拿」埋一堆．．
啊Ａ　好鍾意跟住Ｂ　既屁股．．
啊Ｂ　好鍾意痴住啊Ａ．．就算搶野食都唔會打架，，
佢地好鍾意訓埋一齊．．
我想佢地生ＢＢ．．
唔知ｏ　唔ｏｋ？？
　
ｏｋ....... 佢地生ＢＢ



I HOPE CAN HELP YOU....

2007-07-24 16:14:43 補充：
WAKALA.....我有２隻鼠．．TOO...