見design工

1. 唔駛。最好正正常常咁SEND過去。你想搞啲嘢都可以，不過人哋見到你封RESUME咁樣未必會想IN你。
2. 你自己張相？通常唔駛。佢話要你米比埋佢，不過一般都唔駛。@@|||
3. 斯文少少，我嗰陣都喺牛仔褲+斯文衫+CONVERSE。最重要喺整齊、乾淨，唔好搞到奇奇怪怪、勁多飾物嗰啲。(最近上我公司INTERVIEW啲人真喺……見到都唔想同佢哋一齊做嘢)
4. 冇話邊樣好啲，其實PRINT OUT已經好夠，如果你自己有NOTE BOOK都可以帶去，不過最好用FLASH啦，POWERPOINT唔喺咁靚。如果你冇NOTEBOOK都無謂燒隻碟帶去，因為人哋未必會有電腦比你開嚟SHOW比佢睇。
5.間間公司唔同，不過都喺睇吓你個人喺點、醒唔醒、同人合作點，FRESH GRAD就睇吓你肯唔肯學嘢，受唔受教，最重要都喺你個PROFOL，靚O既話自然易啲有人請。同埋你點講嘢，得唔得體都好重要。上去我公司IN嗰啲人……一開口就話唔鐘意做呢樣嗰樣，唔識呢樣，一定要有人教(自己都冇諗過去學或者解決，淨喺識話搵同事教。同事收埋你份人工幫你做埋咪仲好，駛鬼請你返嚟咩~~)教唔喺唔得，但喺呢啲一開口就冇話自己搞掂，咁依賴人O既，都幾差印像GA。
6. 人工其實呢就睇你個PROFOL，你個PROFOL啲WORK靚O既，叫價自然高啲。你可以寫9000落去，但喺人哋比唔比到你喺一回事。有朋友做嘢做咗兩年，啲嘢都好靚，但喺見工間公司淨喺話比得6500。所以都要睇吓間公司喺點樣。好彩O既話有啲公司都會比1萬請個FRESH GRAD。所以冇話通常幾多，你寫6000落去佢覺得你OK都可能會比8000你(睇吓咩公司)。不過依家嚟講，FRESH GRAD寫7、8000差唔多。你驚O既寫個中間位7500囉，其實我建議你根據你自己啲WORK掂唔掂嚟決定會比較好，你個PROFOL啲嘢好掂，你自己能力高，你就寫高啲。唔太得或者過得去，寫低少少，唔好太心頭高，始終你冇經驗，還價能力喺低啲啲。

PS: 奉勸你一句，去INTERVIEW真喺好睇印像，唔好搞到自己古古怪怪，雖然話DESIGN呢一行比較FREE，但你諗吓你喺老細，你都唔想請個騎騎呢呢，唔出得街見人O既人。仲有最好表現得有HEART啲，見到啲人上嚟，個款都唔似想做O既，真喺唔想請。RESUME寫得好都喺一個要素，試過收到個RESUME話自己想搵間大公司做吓……真喺O晒嘴。