剎車和停燈位問題！（棍波VS自動波）

1. 高速時(近100km/h)點急剎? 我揸棍波時, 一係就快速拖波後踏極力子+break, 如果自動波係應該點做? 有冇得拖波用engine快速減慢車速? 還是只靠踏break去急剎, 咁塊break皮咪好快報銷? 咁樣高速停會唔會燒埋個腳掣架?
答:自動波車係唔須要轉波,所以右腳下面只有油門和 break,如果係要剎車,咁要預番距離一早踩定個 break 等車速慢慢減,之後慢慢停,要預距離囉 !
高速停會唔會燒埋個腳掣架?
答:咁你係唔係踩到過百,見到燈位或轉灣都唔減家車速先?你考得個棍波牌,師傅都會教你邊D 情況要減慢車速架啦,自動波車就最方便,白痴都一定識!

2. 自動波停燈位時可否唔長期踏實個break? 咁係應該N波+手掣 or P波+手掣?
答:如果你明知個燈位都等好耐又或者你意會到會停架車好耐,我都唔建議你長期踩住個 break,如果等燈位,踩住都冇防,視乎個人渣車習慣啦,我就會去N 波,拉手掣,隻腳又可以拎開鬆一鬆,個人習慣!

3. 點解而家d 私家車會自動波多過棍波咁多? 行駛時唔使轉波真係好悶兼好易訓著, 沒有揸車的feel, 大家覺唔覺得?
答:因為自動波車可以唔駛轉波,雖然就冇咁好力,但又唔駛吊住個(X力子).方便好多,特別係塞車,行少少,棍波死得啦.至於有冇 feel 就個人,我有個女仔朋友,都特登買架掃把佬棍波渣,佢話型喎,佢就鍾意將個波轉黎轉去,比我就唔鍾意啦.

棍波或自動波都係個人喜好.

好有同感...^^ 不過自動波同棍波真是在感覺上有差...XD

我渣左車都有一段長時間，有渣開自動私家車同波棍波van及貨車，純個人渣車經驗同習慣，大家研究下。

1 自動波私家車一般靠個break都已經夠收車，其實無論棍波定自動波都好，收車都最好用兩腳break，如果你遇上緊要關頭，同樣亦應以兩腳重break並將個自動波拖低一個，如果車速收慢速度配合，可以再拖低一個，原理其實同棍波差不多，只係少左踩極力子呢個步驟。另外，break皮損耗程度，反而係拖break快損耗過重break，而高速停車會唔會燒埋個腳掣，我相信車廠生產前已經預計晒呢D情況，邊有咁易燒丫，以我為例，我成日都大油重剎，從來都無燒break既情況出現，反而副車頭就傷D。

2 其實好睇個人習慣，但一般燈位，踩住個break都無乜所謂，唔同棍波車咁要下下空波，但若果你真係唔想入住波踩住個break，N波踩住個break或N波加手掣已經ok。

3 點解而家d 私家車會自動波多過棍波咁多，我個人認為係車種同駕駛者對駕駛既要求有關，始終響街見倒既大多係房車、代步車，渣得呢D車當然希望舒適方便，自動波當然係不二之選。而渣自動波係咪真係正如閣下所講既好悶、好易訓著兼無渣車feel呢！？好睇駕駛者心態，有D車款只有自動波版，但若果渣車果個人鍾情呢個車款，佢同樣會享受渣住呢架車周圍去，咁又點會悶呢！而訓著呢個問題，我相信個人精神壯態大於一切，而渣車feel呢樣野好睇你去點樣感受，我13年前仲係新牌仔兼死靚仔果陣，我有得渣我老豆架volvo周圍去已經開心到暈，懶理路人指手畫腳話我死靚仔渣老豆車，在我眼中，能夠舞住一舊咁既野響街度穿插，呢D就係渣車feel，而呢D感覺並唔係渣住碌棍前後左右咁搖能夠比倒我，我享受既係渣車，而唔係入波。

我不嬲都有渣開貨van(hiace)，舊年換車都換左部自動波，平心而論真係舒服好多。

1. 高速時(近100km/h)點急剎? 我揸棍波時, 一係就快速拖波後踏極力子+break, 如果自動波係應該點做? 有冇得拖波用engine快速減慢車速? 還是只靠踏break去急剎, 咁塊break皮咪好快報銷? 咁樣高速停會唔會燒埋個腳掣架?

答 : 唔知你指 「 急剎 」, 究竟有幾急 ? 如果真係好急, 係唔係無論如何都係右腳落 brake 先 ? 你話你 「 揸開 」棍波van... 如果係指剛學完車, pass 左考試... 咁呢... 我可以話你知, 係人急停都一定係右腳落 brake 先 ! 拖低一波係好事, 但要用得熟練.. 「 一係就快速拖波後踏極力子+break 」... ? 你拖完波之後, 仲踏極力子先落 brake ? 踏住個極力子咁行, 係空波滑行 ! 仲衰過高波之下收車 ! 要收車呢, 你話, 5 波同 4 波係咪好大分別 ? 當然唔會啦... 人地收車.. 係 5, 4, 3, 2, .. 咁一下一下落... 真係要快同熟. 好多開十幾廿年車o既人, 會選擇一腳 brake 收車 ! 邊 brake 邊拖波, 做得好就好, 做得唔好就出事.

咁塊 brake 皮會唔會報銷呢 ? 塊皮係消耗品, 不過話聲你知, 拖波都會傷車, 個極力子貴過 brake 皮 !




2. 自動波停燈位時可否唔長期踏實個break? 咁係應該N波+手掣 or P波+手掣?

答 : 可以... 同埋係 !




3. 點解而家d 私家車會自動波多過棍波咁多? 行駛時唔使轉波真係好悶兼好易訓著, 沒有揸車的feel, 大家覺唔覺得?

答 : 市場問題, 多女性用車, 多人貪方便. 好多人開車十幾年最後開自動波, 車只係一件代步工具. 新款 hiace 好多都係行自動波 !

1. 如果架車冇ABS, 淨用腳掣係會鎖死車輪架. 不過你開到100km/h如果唔係有意外你只要放開油門就ok啦~ 車會慢架勒, 再唔係就將波掍啪去低波 (L 或者 2 或者 3)
(你唔係拎佢黎片呀麻......)
2. 可以. 或者真係好長時間咪啪去P波囉, N就唔好勒, 手掣都唔使
3. 方便囉, 好多朋友第一架車係手棍, 好似你話好玩好多, 不過最後都認為駕車只係代步, 中間唔想理咁多野, 就轉左做自動波勒. 而且唔使理多咁多野可以集中精神係路面狀況仲安全